വാട്സ് ആപ്പ് നിര്‍ത്തലാക്കാന്‍ ഫേസ്ബുക്ക് ആലോചിക്കുന്നു എന്ന് റിപ്പോര്‍ട്ടുകള്‍
തലക്കെട്ട് മാത്രം വായിച്ച് ഞെട്ടേണ്ട. സംഗതി സത്യം തന്നെയാണ്. വാട്സ് ആപ്പ് നിര്‍ത്തലാക്കാന്‍ ഫേസ്ബുക്ക് ആലോചിക്കുന്നു എന്നല്ല തീരുമാനിച്ചുകഴിഞ്ഞു. ലോകത്ത് ഇപ്പോള്‍ ഉപയോഗിക്കുന്ന ചില സ്മാര്‍ട്‌ഫോണ്‍ പ്ലാറ്റ്‌ഫോമുകളില്‍ വാട്‌സ്ആപ്പ് സേവനം ഡിസംബര്‍ 31 ന് ശേഷം തുടരേണ്ടെ എന്നാണ് ഉടമസ്ഥരായ ഫെസ്ബുക്കിന്റെ തീരുമാനം. ഭാവിയില്‍ വാട്‌സ്ആപ്പ് വികസിപ്പിക്കാനാവശ്യമായ അടിസ്ഥാന സൗകര്യങ്ങള്‍ നല്‍കാത്ത പ്ലാറ്റ്‌ഫോമുകളായതിനാലാണ് ഇവയിലെ സേവനം അവസാനിപ്പിക്കാന്‍ തീരുമാനിച്ചത്. ആന്‍ഡ്രോയ്ഡ് 4.0 മുതലുള്ളവ, ഐ.ഒ.എസ്7 ന്‌ശേഷം, വിന്‍ഡോസ് ഫോണ്‍ 8.1 നു ശേഷമുള്ള പ്ലാറ്റ്‌ഫോമുകളുള്ള ഫോണുകള്‍ ഉപയോഗിക്കുകയോ, അപ്‌ഗ്രേഡ് ചെയ്യുകയോ വേണമെന്ന് വാട്‌സ്ആപ്പ് അധികൃതര്‍ വ്യക്തമാക്കിയിട്ടുണ്ട്.
അങ്ങനെയെങ്കില്‍ ഡിസംബറിന് ശേഷം നോക്കിയ എസ്40 യില്‍ വാട്‌സ്ആപ്പ് ലഭിക്കില്ല. ആന്‍ഡ്രോയ്ഡ് 2.3.7 നു മുമ്പുള്ള പതിപ്പുകളില്‍ ഫെബ്രുവരി ഒന്നിനുശേഷവും വാട്‌സ്ആപ്പ് ലഭ്യമാകില്ല. അതുപോലെ ബ്ലാക്‌ബെറി ഒഎസ്, ബ്ലാക്ക്‌ബെറി 10, വിന്‍ഡോസ് ഫോണ്‍ 8.0 ഓ അതിനുമുമ്പുള്ള ഓഎസുകള്‍ ഉപയോഗിക്കുന്ന ഫോണുകളിലും വാട്‌സ്ആപ്പ് സേവനം അവസാനിക്കും.
