ആരാധകന്റെ ചേതനയറ്റ ശരീരത്തിനു മുന്‍പില്‍ പൊട്ടിക്കരഞ്ഞ് കാര്‍ത്തി
താരങ്ങളെ കാണുമ്പോള്‍ പല ആരാധരും നിയന്ത്രണം നഷ്ട്ടപ്പെട്ടവരെപ്പോലെയാണ്.ചിലര്‍ വന്‍ സുരക്ഷാ വേലിയൊക്കെ മറികടന്ന് തന്റെ ആരാധനാപാത്രത്തിനടുത്തെത്തും താരങ്ങളാകട്ടെ ചില ചിലപ്പോഴൊക്കെ താര ജാഡയൊക്കെ മാറ്റി വച്ച് ഇവര്‍ക്കൊപ്പം നിന്ന് സെല്ഫിയെടുക്കുകയും ചെയ്യും.
അതുപോലെതന്നെ ഇഷ്ട താരത്തിന്റെ വേര്‍പാട് മൂലം ജീവ ത്യാഗം ചെയ്യുന്ന ആരാധകര്‍ കുറവല്ല. എന്നാല്‍ ഒരു ആരാധകന്‍ മരിച്ചാല്‍ ഈ മിന്നും താരങ്ങള്‍ മിക്കപ്പോഴും അറിയാറുകൂടിയില്ല.എന്നാല്‍ തമിഴ് സിനിമ താരം കാര്‍ത്തി അങ്ങനെയല്ല.ആരാധകന്റെ മരണത്തില്‍ പൊട്ടിക്കരഞ്ഞ് നടന്‍ കാര്‍ത്തി. തിരുവണ്ണാമലൈ കാര്‍ത്തി ഫാന്‍സ് അസോസിയേഷന്റെ ജില്ലാതല ഭാരവാഹിയായ ജീവന് കുമാറാണ് വാഹനാപകടത്തില്‍ മരിച്ചത്. 27 വയസ്സായിരുന്നു.
ചെന്നൈയില്‍ നിന്ന് തിരുവണ്ണാമലൈക്കുള്ള യാത്രക്കിടെയായിരുന്നു അപകടം. കാറില്‍ സുഹൃത്തുക്കള്‍ക്കൊപ്പമായിരുന്നു ജീവന് കുമാര്‍ സഞ്ചരിച്ചിരുന്നത്. ജീവന്റെ സുഹൃത്ത് ദിനേഷും അപകടത്തില്‍ മരിച്ചു. കാറില്‍ ഒപ്പമുണ്ടായവരെല്ലാം അത്യസന്ന നിലയില്‍ ആസ്പത്രിയിലാണ്.
ജീവന് ആദരാഞ്ജലി അര്‍പ്പിക്കാനും കുടുംബാംഗങ്ങളെ ആശ്വസിപ്പിക്കാനുമാണ് കാര്‍ത്തിയെത്തിയത്. പക്ഷേ ആരാധകന്റെ ജീവനില്ലാത്ത ശരീരം കണ്ടപ്പോള്‍ കാര്‍ത്തിയുടെ നിയന്ത്രണം വിട്ടു.കുറച്ച് മാസങ്ങള്‍ക്ക് മുന്‍പായിരുന്നു ജീവന്റെ വിവാഹം. വിവാഹത്തില്‍ കാര്‍ത്തി പങ്കെടുത്തിരുന്നു.
