ഐഎസ്എല്‍ ആവേശം:ഗോവയെ തകര്‍ത്ത ആത്മവിശ്വാസവുമായി പൂനെ സിറ്റി ഇന്ന് നോര്‍ത്ത് ഈസ്റ്റിനെതിരെ സ്വന്തകം തട്ടകത്തില്‍
പ്ലേ ഓഫ് സാധ്യതകള്‍ നിലനിര്‍ത്താന്‍ പൂനെ സിറ്റി ഇന്ന് നോര്‍ത്ത് ഈസ്റ്റ് യുണൈറ്റഡിനെ നേരിടും. പൂനെയുടെ തട്ടകത്തിലാണ് മത്സരം.മികച്ച ഫോമിലുള്ള ഗോവയെ തോല്‍പ്പിച്ചാണ് പൂനെ സിറ്റി ഇന്നത്തെ മത്സരത്തിനിറങ്ങുന്നത്. അതെ സമയം അവസാനം കളിച്ച 3 മത്സരങ്ങളിലും തോല്‍വിയേറ്റുവാങ്ങിയാണ് നോര്‍ത്ത് ഈസ്റ്റ് വരുന്നത്.
നാല് മത്സരങ്ങളില്‍ വിലക്ക് ലഭിച്ച പൂനെ സിറ്റി കോച്ച് റാങ്കോ പൊപോവിച്ചിന് ഇന്നത്തെ മത്സരം നഷ്ട്ടമാകും. ഗോവയെ അവരുടെ ഗ്രൗണ്ടില്‍ ആദ്യമായി പരാജയപെടുത്തിയതും ഈ സീസണില്‍ ഗോളടിച്ച് കൂട്ടുന്ന ഗോവക്കെതിരെ ഗോള്‍ വഴങ്ങാതിരുന്നതും പൂനെ സിറ്റിക്ക് ആത്മവിശ്വാസം നല്‍കും. അതെ സമയം മോശം ഫോം തുടരുന്നതാണ് ആണ് നോര്‍ത്ത് ഈസ്റ്റിനു തിരിച്ചടി. സീസണില്‍ ആകെ ഒരു മത്സരത്തില്‍ മാത്രമാണ് വിജയം കണ്ടത്. അത് കൊണ്ട് തന്നെ സെമി ഫൈനല്‍ സാധ്യതകള്‍ നിലനിര്‍ത്താന്‍ നോര്‍ത്ത് ഈസ്റ്റിന് ഇന്ന് വിജയം കൂടിയേ തീരൂ. 6 മത്സരങ്ങളില്‍ നിന്ന് 4 പോയിന്റുമായി നോര്‍ത്ത് ഈസ്റ്റ് യുണൈറ്റഡ് ഡല്‍ഹി ഡൈനാമോസിന് തൊട്ടു മുകളില്‍ ഒന്‍പതാം സ്ഥാനത്താണ്.
കേരള ബ്ലാസ്റ്റേഴ്‌സുമായുള്ള മത്സരത്തില്‍ ചുവപ്പ് കാര്‍ഡ് ലഭിച്ച് പുറത്ത് പോയ മലയാളി താരം രഹനേഷ് ഇന്നത്തെ മത്സരത്തില്‍ തിരിച്ചെത്തും. കളിച്ച ആറ് മത്സരങ്ങളില്‍ അഞ്ചിലും ഗോള്‍ നേടാനാവാത്ത പോയ ആക്രമണ നിരയാവും നോര്‍ത്ത് ഈസ്റ്റിന്റെ പ്രശ്‌നം.
