2000 വര്‍ഷങ്ങള്‍ക്കു മുന്‍പ് വൈഫൈ മോഡമോ? ഗവേഷകരുടെ കണ്ടെത്തലില്‍ ഞെട്ടി സോഷ്യല്‍ മീഡിയ-ചിത്രങ്ങള്‍ വൈറലാകുന്നു
ഭൂതകാലത്തെക്കുറിച്ചുള്ള പല കാര്യങ്ങളും അറിയാന്‍ ഖനനത്തിലൂടെ ഗവേഷകര്‍ക്ക് കഴിയാറുണ്ട്.അത്തരത്തില്‍ ലഭിക്കുന്ന പല വിവരങ്ങളും ചിലപ്പോള്‍ നമ്മെ അത്ഭുദപ്പെടുത്താറുമുണ്ട്.ഇത്തരത്തില്‍ ഖനനത്തിലൂടെ ലഭിച്ച വസ്തു കണ്ട് ഞെട്ടിയിരിക്കുകയാണ് ഗവേഷകര്‍.
ചൈനയിലെ ആന്‍ഹ്വി പ്രവിശ്യയില്‍നിന്നു കണ്ടെത്തിയ രണ്ടു വെങ്കല രൂപങ്ങളാണ് ഗവേഷകരെ കുഴക്കുന്നത്. പുരാതനകാലത്തെ ഏതോ സംഗീത ഉപകരണമാണിതെന്നാണ് ഒരു വിഭാഗം ഗവേഷകര്‍ പറയുന്നത്. വസ്തുക്കളുടെ ചിത്രം സമൂഹമാധ്യമങ്ങളിലൂടെ പ്രചരിച്ചതോടെ ചൈനീസ് നെറ്റിസന്‍സും സംഭവം എന്തെന്നറിയാന്‍ അന്വേഷണമാരംഭിച്ചിരുന്നു. പഴയ കാലത്തെ വൈഫൈ മോഡമാണിതെന്നാണ് നെറ്റിസന്‍സിന്റെ കണ്ടെത്തല്‍.
വിശദമായ പഠനത്തിലൂടെ വസ്തുക്കള്‍ക്ക് 2000 വര്‍ഷം പഴക്കമുണ്ടെന്നു കണ്ടെത്താനായെങ്കിലും ഇവയുടെ ഉപയോഗം എന്തായിരുന്നു എന്ന കാര്യത്തില്‍ ഇപ്പോഴും സംശയത്തിലാണ് ഇവര്‍.എന്നാല്‍, ലഭിച്ച ഉപകരണം അപൂര്‍ണമാണെന്നും മറ്റേതോ ഉപകരണത്തിന്റെ ഭാഗമായതിനാല്‍ അവശേഷിക്കുന്ന ഭാഗംകൂടി കണ്ടെത്തിയാലേ കാര്യങ്ങള്‍ വ്യക്തമാകൂ എന്നുമാണ് ആന്‍ഹ്വി മ്യൂസിയത്തിന്റെ മേല്‍നോട്ടക്കാരന്‍ ലിയി-ഴി പറയുന്നത്.
