ബസ് കാത്ത് നിന്ന സ്‌കൂള്‍ വിദ്യാര്‍ഥികള്‍ക്കിടയിലേക്ക് ലോറി പാഞ്ഞുകയറി; മൂന്നു കുട്ടികള്‍ മരിച്ചു
മലപ്പുറം: ബസ് സ്റ്റോപ്പില്‍ നിന്ന സ്‌കൂള്‍ വിദ്യാര്‍ഥികള്‍ക്കിടയിലേക്കു ലോറി പാഞ്ഞു കയറി മൂന്നു കുട്ടികള്‍ മരിച്ചു. 10 വിദ്യാര്‍ഥികള്‍ക്കു പരുക്കേറ്റു. മലപ്പുറത്തെ ജില്ലയിലെ വഴിക്കടവിനു സമീപം മണിമൂളിയിലാണ് അപകടം. പരിക്കേറ്റ വിദ്യാര്‍ഥികളില്‍ ചിലരുടെ നില ഗുരുതരമാണെന്നാണ് വിവരം.അപകടത്തില്‍ ചില നാട്ടുകാര്‍ക്കും പരുക്കേറ്റതായി റിപ്പോര്‍ട്ടുണ്ട്. ഒന്‍പതുമണിയോടെയായിരുന്നു അപകടം. ടോറസ് ലോറിയാണ് അപകടമുണ്ടാക്കിയത്.
മണിമൂളി സികെഎച്ച്എസ്എസ് ഹയര്‍സെക്കന്‍ഡറി സ്‌കൂളിലെ വിദ്യാര്‍ഥികളാണ് അപകടത്തില്‍പ്പെട്ടത്. മൃതദേഹങ്ങള്‍ എടക്കരയിലെ സ്വകാര്യ ആശുപത്രിയിലേക്ക് എത്തിച്ചു. പരുക്കേറ്റവരെ നിലമ്പൂരിലെ ആശുപത്രിയിലേക്കു കൊണ്ടുപോയി.
