ഫൈന്‍ ആര്ട്സ് ഇന്ത്യ വിയന്നയുടെ ക്രിസ്മസ് പുതുവര്‍ഷ സംഗമം ശ്രദ്ധേയമായി
വിയന്ന: ഓസ്ട്രിയയിലെ കലാസാംസ്‌കാരിക സംഘടനയായ ഫൈന്‍ ആര്ട്സ് ഇന്ത്യ വിയന്നയുടെ കുടുംബാംഗങ്ങള്‍ ക്രിസ്മസ് പുതുവര്‍ഷാഘോഷം നാട് റെസ്റ്ററാന്റില്‍ സംഘടിപ്പിച്ചു. സംഘടനയിലെ അംഗങ്ങള്‍ പുതുവര്‍ഷരാവില്‍ തന്നെ ഒരുമിച്ചു കൂടിയാണ് ആഘോഷം സംഘടിപ്പിച്ചത്. ഡിസംബര്‍ 31ന് രാത്രി 8 മണിയ്ക്ക് ആരംഭിച്ച ആഘോഷപരിപാടികള്‍ ഒന്നാം തിയതി പുലര്‍ച്ചെ 2 മണി വരെ നീണ്ടു.
സംഘടനയുടെ സെക്രട്ടറി സജി മതുപ്പുറത്ത് സാഗതം ആശംസിച്ച സമ്മേളനത്തില്‍ മുതിര്‍ന്നവരും കുട്ടികളും കലാപരിപാടികള്‍ അവതരിപ്പിച്ചു. ഡിസംബര്‍ ജനുവരി മാസങ്ങളില്‍ ജന്മദിനങ്ങളും വിവാഹ വാര്‍ഷികവും ആഘോഷിക്കുന്നവര്‍ ഒരുമിച്ച് കേക്ക് മുറിച്ച് സന്തോഷം പങ്കുവയ്ക്കുകയും ചെയ്തു.
പുതുവര്‍ഷം പിറന്നപ്പോള്‍ അംഗങ്ങള്‍ സന്ദേശങ്ങള്‍ അംഗങ്ങള്‍ പരസ്പരം കൈമാറുകയും തുടര്‍ന്ന് കരിമരുന്ന് കലാപ്രകടനങ്ങള്‍ നടത്തുകയും ചെയ്തു. വിയന്നയിലെ എല്ലാ മലയാളി സുഹൃത്തുകള്‍ക്കും സംഘടനകള്‍ക്കും ഫൈന്‍ ആര്ട്സ് ഇന്ത്യ വിയന്നയുടെ ഭാരവാഹികള്‍ ആശംസകള്‍ അറിയിച്ചു. പ്രസിഡന്റ് സന്തോഷ് പനച്ചിക്കല്‍ നന്ദി പറഞ്ഞു.
