നികുതി വെട്ടിപ്പ്:കാരാട്ട് ഫൈസലിനെതിരെ ക്രൈംബ്രാഞ്ച് അന്വേഷണം
കോഴിക്കോട്:വാഹന നികുതി വെട്ടിപ്പ് കേസില്‍പ്പെട്ട കാരാട്ട് ഫൈസലിനെതിരെ ക്രൈംബ്രാഞ്ച് അന്വേഷണം.നികുതി വെട്ടിപ്പ് നടത്തുന്നതിനുവേണ്ടി പോണ്ടിച്ചേരിയില്‍ വാഹനം രജിസ്റ്റര്‍ ചെയ്തത് വ്യാജ വിലാസത്തിലാണെന്ന് നേരത്തെ കണ്ടെത്തിയിരുന്നു.ഇതേ തുടര്‍ന്നാണ് കൊടുവള്ളി നഗരസഭ കൗണ്‍സിലറായ കാരാട്ട് ഫൈസലിനെതിരെ ക്രൈം ബ്രാഞ്ച് അന്വേഷണം പ്രഖ്യാപിച്ചത്.
സി.പി.എം സംസ്ഥാന സെക്രട്ടറി നടത്തിയ കേരള പര്യടനത്തില്‍ കാരാട്ട് ഫൈസലിന്റെ ആഡംബര വാഹനം ഉപയോഗിച്ചതോടെയാണ് വിവാദം മറനീക്കി പുറത്തുന്നത്. സ്വര്‍ണക്കടത്ത് കേസിലെ പ്രതിയുടെ കാറില്‍ സഞ്ചരിച്ചതാണ് വിവാദങ്ങള്‍ക്ക് തിരികൊളുത്തിയത്.
പിന്നീടാണ് ആഢംബര കാറിന്റെ രജിസ്‌ട്രേഷനുമായി ബന്ധപ്പെട്ട വിവരങ്ങള്‍ പുറത്തുന്നത്. പുതുച്ചേരി രജിസ്‌ട്രേഷന്‍ വണ്ടി കൊടുവള്ളിയില്‍ ഉപയോഗിച്ചതിന് നേരത്ത ഫൈസലിന് മോട്ടോര്‍വാഹന വകുപ്പ് നോട്ടീസയച്ചിരുന്നു.
