കാസര്‍കോഡ്‌ ഓട്ടോ ലോറിയില്‍ ഇടിച്ച് അമ്മയും മകളും മരിച്ചു
കാസര്‍കോഡ്‌ ഓട്ടോറിക്ഷയില്‍ ലോറിയിടിച്ച് അമ്മയും മകളും മരിച്ചു. ഓട്ടോ യാത്രക്കാരായ ചട്ടംചാല്‍ മണ്ഡലി പാറ സ്വദേശികളായ ശോഭ(32) മകള്‍ വിസ്മയ (13) എന്നിവരാണ് മരിച്ചത്. പുലര്‍ച്ചെ നാലരക്കായിരുന്നു അപകടം. ലോറിയില്‍ ഇടിച്ച് തൊട്ടടുത്ത കൃഷിസ്ഥലത്തേക്ക് വീണ ഓട്ടോയുടെ മേല്‍ ലോറി മറിയുകയും ചെയ്തു.
ഗരുതരമായി പരിക്കേറ്റ ശോഭയുടെ ഭര്‍ത്താവ് രാജനേയും ഓട്ടോ ഡ്രൈവര്‍ ഖാദറിനെയും മംഗലാപുരത്തെ ആശുപത്രിയില്‍ പ്രവേശിപ്പിച്ചു. മൂത്ത മകളുടെ കുട്ടിയുടെ ചോറൂണിനായി പുല്ലൂരിലേയ്ക്ക് പോകുകയായിരുന്നു രാജനും കുടുംബവും. ഓട്ടോയുടെ മുകളിലേയ്ക്ക് വീണ ലോറിപൊലീസും അഗ്‌നിശമനസേനയും നാട്ടുകാരും കൂടി മാറ്റിയിട്ടാണ് അപകടത്തില്‍ പെട്ടവരെ പുറത്തെടുത്തത്.
