നാണക്കേട് മാറ്റാന്‍ മൂന്നാം ടെസ്റ്റിനിറങ്ങിയ ഇന്ത്യന്‍ തുടക്കം തകര്‍ച്ചയോടെ തുടക്കം
ജൊഹാനാസ്ബര്‍ഗ്:തുടര്‍ച്ചയായ രണ്ടു തോല്‍വികളിലൂടെ ദക്ഷിണാഫ്രക്കക്കെതിരായ ടെസ്റ്റ് പരമ്പര നഷ്ട്ടമായ ഇന്ത്യക്ക് മൂന്നാം ടെസ്റ്റിലും തുടക്കം തകര്‍ച്ചയോടെ. നേരത്തെ ടോസ് നേടി ബാറ്റിങ്ങിനിറങ്ങിയ ഇന്ത്യക്ക് ഓപ്പണര്‍മാരായ വിജയ്,രാഹുല്‍ എന്നിവരുടെ വിക്കറ്റുകളാണ് നഷ്ടമായത്.
ക്യാപ്റ്റന്‍ കൊഹ്ലിക്കൊപ്പം(7)ചേതേശ്വര്‍ പൂജാരയാണ്(0) ക്രീസിലുള്ളത്.ഒടുവില്‍ വിവരം ലഭിക്കുമ്പോള്‍ 22-2 എന്ന നിലയിലാണ് ഇന്ത്യ.ഓപ്പണിങ് ബാറ്‌സ്മാന്‍ വിജയ് 8 റണ്‍സെടുത്ത് പുറത്തായപ്പോള്‍ ലോകേഷ് രാഹുല്‍ പൂജ്യത്തിനു പുറത്താവുകയായിരുന്നു.റബാഡ,ഫിലാന്‍ഡര്‍ എന്നിവര്‍ക്കാണ് വിക്കറ്റുകള്‍.
വാണ്ടറേഴ്‌സ് സ്റ്റേഡിയത്തിലെ പിച്ചില്‍ ബാറ്റിങ് അതീവ ദുഷ്‌കരമായിരിക്കുമെന്നാണ് റിപ്പോര്‍ട്ട്. ബാറ്റിങ്ങില്‍ ഇതുവരെ ഫോമിലേക്കുയരാനാകാതോ പോയ രോഹിത് ശര്‍മയ്ക്ക് പകരം മൂന്നാം ടെസ്റ്റില്‍ വൈസ് ക്യാപ്റ്റന്‍ അജിങ്ക്യ രഹാനെ കളിക്കും. സ്പിന്നര്‍മാരെ സമ്പൂര്‍ണമായി ഒഴിവാക്കിയ ഇന്ത്യ അശ്വിനു പകരം ഭുവനേശ്വര്‍ കുമാറിനെയും ടീമില്‍ ഉള്‍പ്പെടുത്തി.
