അബുദാബി മലയാളി സമാജം യുവജനോത്സവം: അങ്കിതാ അനീഷ് കലാതിലകം
അബ്ദുല്‍ റഹിമാന്‍, അബുദാബി
അബുദാബി: മലയാളി സമാജം യുവ ജനോ ത്സ വം-2018 കലാ തിലകമായി അങ്കിതാ അനീഷ് തെരഞ്ഞെടുക്കപ്പെട്ടു. കുച്ചിപ്പുടി, മോഹിനിയാട്ടം, നാടോടി നൃത്തം എന്നിവയില്‍ ഒന്നാം സ്ഥാനവും ഭരതനാട്യത്തില്‍ രണ്ടാം സ്ഥാനവും പ്രച്ഛന്ന വേഷത്തില്‍ മൂന്നാം സ്ഥാനവും നേടിയ അങ്കിതാ അനീഷ്, പത്തൊന്‍പതു പോയിന്റ് നേടിയാണ് സമാജം – ശ്രീദേവി സ്മാരക റോളിംഗ് ട്രോഫി കരസ്ഥമാക്കിയത്.
അബുദാബി മലയാളി സമാജത്തിന്റെ 2016ലെയും 2017ലെയും ശ്രീദേവി മെമ്മോറിയല്‍ യുവ ജനോത്സവത്തില്‍ ജൂനിയര്‍ വിഭാഗം കുച്ചിപ്പുടിയില്‍ ഒന്നാം സ്ഥാനവും ദുബായില്‍ സ്വാന്തനം 2016 യൂത്ത് ഫെസ്റ്റിവലില്‍ കുച്ചിപ്പുടിയിലും നാടോടി നൃത്തത്തിലും ഒന്നാം സ്ഥാനവും അങ്കിത കരസ്ഥമാക്കിയിരുന്നു. ഒന്‍പത് വയസ്സിന് താഴെയുള്ള വിഭാഗത്തില്‍ അഞ്ജലി വേതൂര്‍, സീനിയര്‍ വിഭാഗത്തില്‍ നൂറ നുജൂം എന്നിവര്‍ വ്യക്തിഗത ചാമ്പ്യന്‍ ഷിപ്പുകള്‍ നേടി. നാടക സംവിധായകന്‍ വക്കം ഷക്കീര്‍, കലാ മണ്ഡലം സത്യ ഭാമ, കലാമണ്ഡലം രാജിതാ മഹേഷ് എന്നിവരാണ് വിധി കര്‍ത്താക്കള്‍ ആയി എത്തിയത്.
–