കൊച്ചിയില്‍ മനോദൗര്‍ബല്യമുള്ള സ്ത്രീയെ റോഡിലിട്ട് മര്‍ദിച്ച് കാല്‍ വെള്ളയില്‍ ചട്ടുകം ചൂടാക്കി പൊള്ളിച്ചു; പുരുഷന്മാര്‍ കാഴ്ച്ചക്കാരായപ്പോള്‍ ക്രൂരമായി മര്‍ദിച്ചത് സ്ത്രീകള്‍
കൊച്ചി:കൊച്ചിയില്‍ മനോദൗര്‍ബല്യമുള്ള സ്ത്രീയെ നാലോളം സ്ത്രീകള്‍ റോഡിലിട്ട് മര്‍ദിച്ചവശയാക്കി കാല്‍വെള്ളയില്‍ ചട്ടുകം ചൂടാക്കി പൊള്ളലേല്‍പ്പിച്ചു.വൈപ്പില്‍,പള്ളിപ്പുറം സ്വദേശിയായ യുവതിക്കാണ്
അയല്‍വാസികാളായ സ്ത്രീകളുടെ ക്രൂരപീഡനമേല്‍ക്കേണ്ടി വന്നത്.പരിസരവാസികളെ ഉപദ്രവിക്കുന്നുവെന്നാരോപിച്ചാണ് സ്ത്രീകള്‍ യുവതിയെ അതിദാരുണമായി മര്‍ദിച്ചത്.
അക്രമത്തില്‍ 14 കാരിയായ മകള്‍ക്കും പരിക്കേറ്റു.പുരുഷന്മാര്‍ നോക്കി നിന്നപ്പോള്‍ സ്ത്രീകളാണ് അതിക്രൂരമായി യുവതിയെ മര്‍ദിച്ചത്.വീടിനുള്ളിലിട്ട് മര്‍ദിച്ച ശേഷം റോഡിലേക്ക് തള്ളിയിട്ട് പലകയും വടിയും ഉപയോഗിച്ചാണ് മര്‍ദിച്ചത്.അടിയേറ്റ് ബോധം നഷ്ട്ടപ്പെട്ട് യുവതി റോഡില്‍ക്കിടക്കുമ്പോള്‍ ഒരു സ്ത്രീ ചട്ടുകം ചൂടാക്കി കാല്‍വെള്ളയില്‍ പൊള്ളലേല്‍പ്പിച്ചു.പൊള്ളലേറ്റ യുവതി വേദനയില്‍ എഴുന്നേറ്റ് അവശയായി ഓടുന്നതും ദൃശ്യങ്ങളില്‍ കാണാം.
മനോരമ ന്യൂസാണ് വാര്‍ത്ത പുറത്ത് വിട്ടത്.പോലീസ് സംഭവത്തില്‍ കാര്യമായി ഇടപെട്ടിട്ടില്ല എന്നാണു പറയുന്നത്.
