പ്രിയ വാര്യര്‍ ബോളിവുഡിലേക്ക്
ഒമര്‍ ലുലു ചിത്രം ഒരു അഡാര്‍ ലവിലെ ‘മാണിക്യ മലരായ പൂവി’ ഗാനരംഗത്തിലൂടെ ആരാക ഹൃദയത്തിലിടം നേടിയ നടി പ്രിയ വാര്യര്‍ ബോളിവുഡിലേക്ക്.ബോളിവുഡ് സംവിധായകന്‍ അനിരുദ്ധ് റോയ് ചൗധരിയുടെ അടുത്ത ചിത്രത്തിലേക്കാണ് പ്രിയക്ക് ക്ഷണം ലഭിച്ചിരിക്കുന്നത്.സോഷ്യല്‍ മീഡിയയില്‍ താരമായതോടെ ഒരു ഹിന്ദി ചാനലിന് നല്‍കിയ അഭിമുഖത്തില്‍ പ്രിയ തന്നെയാണ് ബോളിവുഡ് പ്രവേശനത്തെക്കുറിച്ച് വെളിപ്പെടുത്തിയത്.
അമിതാഭ് ബച്ചനെ നായകനാക്കി 2016-ല്‍ പുറത്തിറങ്ങിയ ‘പിങ്ക്’ എന്ന ചിത്രമാണ് അനിരുദ്ധ് റോയ് ചൗധരി അവസാനമായി സംവിധാനം ചെയ്തത്.2008-ല്‍ മികച്ച ചിത്രത്തിനുള്ള ദേശിയ പുരസ്‌കാരം നേടിയിട്ടുള്ള സംവിധായകനാണ് അനിരുദ്ധ് റോയ് ചൗധരി.
