ക്രിക്കറ്റ് ലോകത്തെ വീണ്ടും ഞെട്ടിച്ച സഞ്ജുവിന്റെ കിടിലന്‍ ഡൈവിങ് ക്യാച്ച്-വീഡിയോ
ഐപിഎല്ലില്‍ ഏറ്റവും കൂടുതല്‍ ശ്രദ്ധിക്കപ്പെടുന്ന യുവതാരങ്ങളില്‍ ഒരാള്‍ മലയാളികളുടെ സഞ്ജു സാംസണ്‍ ആണെന്നത് തര്‍ക്കമില്ലാത്ത സമ്മതിക്കാം.ഈ ഐപിഎല്ലിലെ 8 കോടി രൂപ ലേലത്തില്‍ നേടി സഞ്ജു വീണ്ടും ഞെട്ടിച്ചു.ഈ വര്‍ഷത്തെ ഐപിഎല്ലില്‍ പടിവാതിലിലെത്തി നില്‍ക്കെ സഞ്ജു വീണ്ടും ക്രിക്കറ്റ് പ്രേമികളെ ഞെട്ടിച്ചിരിക്കുകയാണ്.
ഇത്തവണ കീപ്പിംഗ് ചെയ്യവേ സഞ്ജു എടുത്ത പറക്കും ക്യാച്ചാണ് ഏവരെയും ഞെട്ടിച്ചിരിക്കുന്നത്. വിജയ് ഹസര ട്രോഫിയില്‍ വിക്കറ്റിന് പന്നില്‍ നിന്നാണ് സഞ്ജു ഈ അത്ഭുത ക്യാച്ച് എടുക്കുന്നത്. ഒരേ സമയം പിന്നിലേക്കും വശത്തേക്കും ചാടി ഒറ്റക്കൈയ്യില്‍ ക്യാച്ചെടുത്ത സഞ്ജുവിന്റെ ഈ അഡാര്‍ ക്യാച്ച് ഇതിനോടകം വൈറലായിക്കഴിഞ്ഞു. ഉത്തര്‍ പ്രദേശിനെതിരെയായിരുന്നു സഞ്ജുവിന്റെ ഈ തകര്‍പ്പന്‍ ഒറ്റകൈയ്യന്‍ ക്യാച്ച്. മത്സരത്തില്‍ കേരളം 120 റണ്‍സിന് ജയിച്ചിരുന്നു. ആ കാഴ്ച്ച കാണുക
നിലവില്‍ കേരളം വിജയ് ഹസാര ട്രോഫിയില്‍ തകര്‍പ്പന്‍ പ്രകടനമാണ് കാഴ്ച്ചവെക്കുന്നത്. ക്വാര്‍ട്ടര്‍ പ്രവേശനത്തിന് മഹാരാഷ്ട്രയ്ക്കെതിരെ നടക്കുന്ന മത്സരത്തില്‍ ജയം മാത്രം മതി കേരളത്തിന്.
