തള്ളാന്‍ മാത്രമല്ല കണ്ണന്താനത്തിന് ഡാന്‍സ് കളിക്കാനുമറിയാം; വോട്ട് പിടിക്കാന്‍ ഡാന്‍സ് പ്രകടനവുമായി കണ്ണന്താനം-വീഡിയോ വൈറല്‍
കേന്ദ്ര ടൂറിസം മന്ത്രി അല്‍ഫോണ്‍സ് കണ്ണന്താനത്തിനെ തള്ളാന്താനമെന്നാണ് മലയാളികള്‍ വിളിക്കുന്നത്. ട്രോളന്മാരും ഈ പേരുപയോഗിച്ച് അല്‍ഫോണ്‍സ് കണ്ണന്താനത്തെ ചിലപ്പോഴൊക്കെ പരിഹസിക്കാറുമുണ്ട്. എന്നാലിപ്പോള്‍ ട്രോളന്മാര്‍ക്ക് ആഘോഷമാക്കാന്‍ കണ്ണന്താനം തന്നെ പുതിയ വഴിമരുന്നിട്ടിരിക്കുകയാണ്. മേഘാലയയില്‍ ബി.ജെ.പിയുടെ തെരഞ്ഞെടുപ്പ് പ്രചാരണത്തിനിടെ ജനങ്ങള്‍ക്കൊപ്പം കണ്ണന്താനം ഡാന്‍സ് ചെയ്യുന്ന വീഡിയോയാണ് ട്രോളന്മാരിപ്പോള്‍ ആഘോഷമാക്കാനൊരുങ്ങുന്നത്.
പരിപാടിക്ക് വന്ന ജനങ്ങളുടെ ക്ഷണം സ്വീകരിച്ചാണ് ഡാന്‍സ് എന്നാണ് കണ്ണംന്താനം ഫെയ്സ്ബുക്ക് പോസ്റ്റില്‍ കുറിച്ചു.
അസം, അരുണാചല്‍, മണിപ്പൂര്‍ എന്നിവ പിടിച്ചെടുത്തു വടക്കുകിഴക്കന്‍ സംസ്ഥാനങ്ങളില്‍ മുന്നേറ്റം നടത്തിയ ബിജെപി മേഘാലയയില്‍ കോണ്‍ഗ്രസിനെ തകര്‍ത്ത് ഭരണം പിടിക്കാനുള്ള നീക്കത്തിലാണ്. ക്രൈസ്തവര്‍ കൂടുതലായുള്ള സംസ്ഥാനമാണിത് എന്നതിനാല്‍ മലയാളിയും ക്രിസ്ത്യാനിയുമായ കണ്ണന്താനത്തിന് ജനങ്ങളെ സ്വാധീനിക്കാന്‍ കഴിയുമെന്നാണ് ബി.ജെ.പി കരുതുന്നത്. ഈ മാസം 27നാണ് മേഘാലയയിലെ തെരഞ്ഞെടുപ്പ്.
