ഇതാ മമ്മൂട്ടിയുടെ ‘വടക്കന്‍ വാര്‍സ്’; വടക്കന്‍ വീരഗാഥയുടെ കിടിലന്‍ ഇംഗ്ലീഷ് ട്രെയിലര്‍ ഒരുക്കി ട്രോളര്‍മാര്‍
മെഗാ സ്റ്റാര്‍ മമ്മൂട്ടിയുടെ അടുത്ത ബിഗ് ബജറ്റ് സിനിമ മാമാങ്കത്തിനു വേണ്ടിയുള്ള കാത്തിരിപ്പിലാണ് ആരാധകര്‍. സിനിമയെക്കുറിച്ചുള്ള വിശേഷങ്ങളും, ചിത്രങ്ങളും സമൂഹമാധ്യമങ്ങളിലൂടെ ആഘോഷമാക്കുകയാണ് ആരാധകര്‍. അതിനിടയില്‍ മമ്മൂട്ടിയുടെ ഹിറ്റ് ചിത്രം വടക്കന്‍ വീരഗാഥയുടെ ഇംഗ്ലീഷ് ട്രെയിലര്‍ ഇറക്കി രംഗത്ത് വന്നിരിക്കുകയാണ് ട്രോളര്‍മാര്‍. എം ടി -ഹരിഹരന്‍ കൂട്ടുകെട്ടില്‍ പിറന്ന ഈ സിനിമയിലെ ഓരോ ഡയലോഗുകളും രസകരമായി പുനരവതരിപ്പിച്ചിരിക്കുകയാണ് ഇംഗ്ലീഷ് ട്രെയിലറില്‍.
സ്റ്റാര്‍ വാര്‍സ് ദ ലാസ്റ്റ് ജേഡി എന്ന പ്രശസ്ത ഹോളിവുഡ് ചിത്രത്തിലെ സംഭാഷണങ്ങളാണ് ട്രെയിലറില്‍ ഉപയോഗിച്ചിരിക്കുന്നത്. റോഷന്‍ തോമസ് , അര്‍നോള്‍ഡ് എന്നിവരുടേതാണ് ആശയം. അഗ്‌നിവേശ് എസ്പിയാണ് വീഡിയോ എഡിറ്റ് ചെയ്തിരിക്കുന്നത്. ഇന്റര്‍നാഷണല്‍ ചളു യൂണിയനാണ് യൂട്യൂബില്‍ അപ്ലോഡ് ചെയ്തിരിക്കുന്നത്.
