രാജ് കലേഷിന് കുവൈറ്റിലെ വേള്‍ഡ് മലയാളി ഫെഡറേഷന്റെ ആദരവ്
കുവൈറ്റ് സിറ്റി: വേള്‍ഡ് മലയാളി ഫെഡറേഷന്‍ കുവൈറ്റ് ചാപ്റ്ററിന്റെ നേതൃത്വത്തില്‍ ഗ്ലോബല്‍ ടാലന്റ് കോഡിനേറ്ററും പ്രശസ്ത ടെലിവിഷന്‍ താരവുമായ രാജ് കലേഷിന് സ്വീകരണം നല്‍കി. സ്വകാര്യ സന്ദര്‍ശനത്തിന്റെ ഭാഗമായി രാജ്യത്ത് എത്തിയ കലേഷിനെ മംഗഫ് സണ്‍ റൈസ് ഹോട്ടലില്‍ ഡബ്ലിയു.എം.എഫ് പ്രവര്‍ത്തകര്‍ സ്വീകരിച്ചു.
പ്രസിഡന്റ് ടോം ജേക്കബ് അധ്യക്ഷത വഹിച്ചു. കോഡിനേറ്റര്‍ എസ്.എസ്.സുനില്‍, വൈസ് പ്രസിഡന്റ് ജെയ്സണ്‍ കാളിയാനില്‍, രഞ്ജിത്, മാത്യു അരീപ്പറമ്പില്‍, ഐഡിയല്‍ സലിം, ഹമാന്‍ ഗോപി, രസ്‌ന രാജ്, ഉഷസ് കൃഷ്ണ തുടങ്ങിയവര്‍ സന്നിഹിതരായിയുന്നു.
