ട്വന്റി ട്വന്റിയിലും കപ്പടിച്ച് ഇന്ത്യ ; ദക്ഷിണാഫ്രിക്കയില്‍ ചരിത്ര വിജയം
ന്യൂലാന്ഡ് : ഏകദിനത്തിന് പിന്നാലെ ട്വന്റി ട്വന്റിയി പരമ്പരയും സ്വന്തമാക്കി ഇന്ത്യ. മറ്റൊരു പരമ്പര തോല്‍വി ഒഴിവാക്കാനുള്ള ദക്ഷിണാഫ്രിക്കയുടെ ശ്രമം പരാജയപ്പെട്ടു. അവസാന ഓവര്‍ വരെ ജയ പ്രതീക്ഷ മാറിമറിഞ്ഞ കളിയില്‍ ഏഴു റണ്‍സിനാണ് ഇന്ത്യ വിജയം സ്വന്തമാക്കിയത്. നേരത്തെ നേരത്തെ ഇന്ത്യ ഏകദിന പരമ്പരയും ഇന്ത്യ നേടിയിരുന്നു.
ജയിക്കാന്‍ 173 റണ്‍സ് വേണമായിരുന്ന ആതിഥേയര്‍ക്ക് അവസാന ഓവറില്‍ ജയിക്കാന്‍ വേണ്ടിയിരുന്നത് 19 റണ്‍സായിരുന്നു. എന്നാല്‍, അവസാന ഓവര്‍ എറിഞ്ഞ ഭുവനേശ്വര്‍ 12 ഓവര്‍ മാത്രം വിട്ടുകൊടുത്ത് ഇന്ത്യയെ വിജയിപ്പിക്കുകയായിരുന്നു. മികച്ച ഓള്‍റൗണ്ട് പ്രകടനം കാഴ്ചവെച്ച സുരേഷ് റെയ്‌നയാണ് (43 റണ്‍സ്, 1 വിക്കറ്റ്) കളിയിലെ കേമന്‍. പരമ്പരയുടെ താരമായി ഭുവനേശ്വര്‍ കുമാര്‍ തിരഞ്ഞെടുക്കപ്പെട്ടു.
