പൂച്ചയുടെ ഉമ്മ പ്രതീക്ഷിച്ചു സെല്‍ഫിയെടുത്ത യുവതിക്ക് കിട്ടേണ്ടത് കിട്ടിയപ്പോള്‍- വീഡിയോ വൈറല്‍
സമൂഹ മാധ്യമങ്ങളിലൊക്കെ സെല്‍ഫികള്‍ ഇപ്പോള്‍ സര്‍വ സാധാരണമാണ്. അതുകൊണ്ടു തന്നെ സെല്‍ഫികളില്‍ ഒരല്‍പ്പം വ്യത്യസ്ത കൊണ്ടുവരാന്‍ പലരും ശ്രമിക്കാറുണ്ട്. ഇത്തരത്തില്‍ ഓമനിച്ചു വളര്‍ത്തിയ പൂച്ചയുമായി സെല്‍ഫി എടുക്കാന്‍ ശ്രമിച്ച യുവതിക്കു തന്റെ പുന്നാര പൂച്ച കൊടുത്ത ഒരൊന്നൊന്നരപണിയുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറല്‍.
പൂച്ചയെപ്പോലെ ക്യൂട്ട് ലുക്ക് വരുത്തി സെല്‍ഫിമോഡ് ഓണാക്കി കാമറ പൂച്ചയ്ക്കുനേരെ പിടിച്ച് പൂച്ചയുടെ ഉമ്മയും കാത്ത് യുവതി റെഡിയായി നിന്നു പക്ഷെ കാമറ കണ്ട പൂച്ച പമ്മി പമ്മി യുവതിയുടെ കവിളിന്റെ അടുതെത്തി, കാമറയിലേക്ക് ഒന്നു നോക്കി പിന്നെ കൊടുത്തു ഠപ്പേന്ന് ഒരടിയായിരുന്നു. റഷ്യയിലാണ് ഈ രസകരമായ സംഭവം നടന്നത്. ഏതായാലും ഉമ്മ പതിഞ്ഞില്ലെങ്കിലും അടി കാമറയില്‍ നന്നായി പതിഞ്ഞിട്ടുണ്ട്.
