ഈ കവര്‍ ഫോട്ടോ സദാചാര ഞരമ്പുകള്‍ക്ക് സ്വയംഭോഗം ചെയ്യാനുള്ള വികാരം മാത്രമേ നിര്‍മ്മിക്കുന്നുള്ളൂ; ഗ്രഹലക്ഷ്മിയുടെ കവര്‍ ഫോട്ടോയ്ക്കെതിരെ രശ്മി നായര്‍;
തിരുവനന്തപുരം: മുലയൂട്ടലിന്റെ മാഹാത്മ്യം പബ്ലിസിറ്റിക്കായി ഉപയോഗിച്ച ഗൃഹലക്ഷ്മിയുടെ കവര്‍ പേജിനെതിരെ സമൂഹമാധ്യമങ്ങളില്‍ വന്‍ വിമര്‍ശനമാണ് ഉയര്‍ന്നു വരുന്നത്. ഇതിനിടെ സ്വന്തം കുഞ്ഞിന് മുലയൂട്ടുന്ന ചിത്രം പോസ്റ്റ് ചെയ്ത് രശ്മി നായരും ചിത്രത്തിനെതിരെ വിമര്‍ശനവുമായി രംഗത്തെത്തിയിരിക്കുകയാണ്. ‘തുറിച്ചുനോക്കരുത്… ഞങ്ങള്‍ക്ക് മുലയൂട്ടണം’ എന്നതായിരുന്നു ഇത്തവണത്തെ ഗൃഹലക്ഷ്മിയുടെ കവര്‍ സ്റ്റോറി. വിവാഹിതയല്ലാത്ത ജിലിവുനെ മോഡലാക്കിയ നടപടിയും ബാലാവകാശ ലംഘനവും അടക്കം വിമര്‍ശനമായി രശ്മി ചൂണ്ടിക്കാട്ടുന്നുണ്ട്.
ഗൃഹലക്ഷ്മിയുടെ ആശയത്തെ അംഗീകരിക്കുന്നവര്‍ തന്നെ ഇതിലെ കച്ചവട വല്‍ക്കരണത്തെയും മാര്‍ക്കറ്റിങ് തന്ത്രത്തെയും ചൂണ്ടിക്കാട്ടുന്നുണ്ട്. കുട്ടികളുടെ അവകാശങ്ങള്‍ സംബന്ധിച്ച നിയമങ്ങള്‍ കര്‍ശനമായി പാലിക്കപ്പെടുന്ന ഒരു രാജ്യത്താണെങ്കില്‍ ഗൃഹലക്ഷ്മിയുടെ മോഡലും ഫോട്ടോഗ്രാഫറും എല്ലാം നിയമ നടപടി നേരിടേണ്ടി വന്നേനെ എന്നാണ് രശ്മി ആര്‍ നായര്‍ തന്റെ ഫേസ്ബുക്ക് പോസ്റ്റില്‍ വിമര്‍ശിക്കുന്നത്. ഗൃഹലക്ഷ്മിയുടെ കവര്‍ മോഡല്‍ അമ്മയല്ല എന്നതാണ് പല വിമര്‍ശനങ്ങള്‍ക്കും കാരണമായിട്ടുള്ളത്. അവിടെ കുഞ്ഞ് പറ്റിക്കപ്പെട്ടു എന്നും രശ്മി ആക്ഷേപമുന്നയിക്കുന്നുണ്ട്.
രശ്മിയുടെ ഫേസ്ബുക്ക് പോസ്റ്റ് ഇങ്ങനെ:
”മുലയൂട്ടുന്ന അമ്മയും കുഞ്ഞിന്റെയും ചിത്രം അതിമനോഹരമായി ലോകത്ത് പല തവണ പകര്‍ത്തപ്പെട്ടിട്ടുണ്ട്. എന്നാല്‍ അതൊക്കെയും പകര്‍ത്തപ്പെട്ട കുട്ടികളുടെ അവകാശങ്ങളെ പറ്റിയുള്ള നിയമങ്ങള്‍ കര്‍ശനമായ ഒരു രാജ്യത്തായിരുന്നു എങ്കില്‍ ഗൃഹലക്ഷ്മിയുടെ കവര്‍ മോഡലും ഫോട്ടോഗ്രാഫറും ചൈല്‍ഡ് റൈറ്റ് വയലേഷന് നിയമനടപടി നേരിടേണ്ടി വന്നേനെ. മാസങ്ങള്‍ പ്രായമുള്ള കുഞ്ഞിന്റെ അണ്ണാക്ക് വരെ മറ്റൊരു സ്ത്രീയുടെ മുല തിരുകി കയറ്റി കൊമേര്‍ഷ്യല്‍ യൂസിനു ഫോട്ടോ എടുക്കുന്നതല്ല സാര്‍ ആക്റ്റിവിസം.
മധ്യവര്‍ഗത്തിനും അതിന് മുകളിലോട്ടു ഉള്ളവര്‍ക്കും സമയവും പണവും അധികം വരുമ്‌ബോള്‍ ഒരാശ്വാസത്തിനു ടെറസില്‍ പ്ലാസ്റ്റിക് ബാഗില്‍ ക്യാപ്‌സിക്കവും ഡ്രാഗണ്‍ ഫ്രൂട്ടും കൃഷി ചെയ്തു കാര്‍ഷിക രംഗത്തെ ഉദ്ദരിക്കുന്ന കളര്‍ഫുള്‍ ഫാന്റസി ആക്റ്റിവിസവും ഉള്ളിവില പത്തു രൂപ തികച്ചു കിട്ടാത്തതില്‍ ഒരു മുഴം കയറില്‍ കുടുംബമടക്കം തൂങ്ങിയാടുന്നവന് മാന്യമായ ശവമടക്കെങ്കിലും അവകാശമായി കിട്ടണം എന്ന് തൊണ്ട പൊട്ടുമാറു മുദ്രാവാക്യം വിളിച്ചു സി ആര്‍ പി എഫിന്റെ നവലിബറല്‍ വെടിയുണ്ട നെഞ്ചില്‍ കൊണ്ട് വീണുപിടയുന്നവന്റെ ചോരയില്‍ മുക്കിയ ചെങ്കൊടിയുടെ ആക്റ്റിവിസവും ത്രാസില്‍ വച്ച് തൂക്കിയാല്‍ നിയോലിബറല്‍ പൊതുബോധത്തില്‍ ആദ്യത്തതിന് പത്മശ്രീ അവാര്‍ഡും രണ്ടാമത്തത്തിനു തീവ്രവാദി പട്ടവും ആണ്.
മുലയൂട്ടുന്ന അമ്മ സിന്ദൂരവും ആഭരണവും ഇട്ടു സവര്‍ണ്ണ മലയാളി പുരുഷബോധത്തെ തൃപ്തിപ്പെടുത്താനുള്ള ഒരു ലൈംഗിക പോര്‍ട്രൈറ്റ് അല്ല. അങ്ങനെ പോര്‍ട്രൈറ്റു ചെയ്യാനാണ് എല്ലാ കാലത്തും പാപ്പരാസി മോഹവും. നിങ്ങളെന്തു പറഞ്ഞാലും ആ ചിത്രത്തില്‍ ഒരു മാതൃത്വ ഭാവവും ഞാന്‍ കാണുന്നില്ല അതൊരു തികഞ്ഞ ആണ് ലൈംഗിക നോട്ടത്തിലെ മുലയുടെ അറ്റത്തു കുഞ്ഞിനെ ഒട്ടിച്ച അശ്ലീലമായയാണ് എനിക്ക് കാണാന്‍ കഴിയുന്നതു. പരസ്യമായി തന്നെ മുലയൂട്ടുക എന്നത് വിപ്ലവമൊന്നുമല്ല മിനിമം പൊതുബോധ സങ്കല്‍പ്പത്തിന് പുറത്തു നില്‍ക്കുന്ന ഒന്നാണ്. ഇപ്പോഴും സദാചാര ഞരമ്ബുകള്‍ക്കു അലോസരം ഉണ്ടാകുന്ന ഒന്നാണ്. പക്ഷെ ആ കവര്‍ ഫോട്ടോ നോക്കി അതേ സദാചാര ഞരമ്ബുകള്‍ രണ്ടു തവണ സ്വയംഭോഗം ചെയ്തുകാണും. ആ ഒരു വികാരം മാത്രമേ ആ ചിത്രം നിര്‍മ്മിക്കുന്നുള്ളൂ
ആ പൊതുബോധത്തിന്റെ ഏറ്റവും വലിയ ജീര്‍ണ്ണ മുഖമായ ഗൃഹലക്ഷ്മിയെയും വനിതയെയും ആ ആക്റ്റിവിസ്റ്റ് സ്‌പെയിസില്‍ കയറ്റി പട്ടാഭിഷേകം ചെയ്തു നിര്‍ത്തുക എന്നത് ഇരയുടെ സെക്യൂരിറ്റി ചുമതല വേട്ടക്കാരനെ ഏല്‍പ്പിക്കുന്നത് പോലെ വൃത്തികേടാണ്. ഗൃഹലക്ഷ്മിയുടെയും വനിതയുടെയും ആക്റ്റിവിസം വിപ്ലവം ഉണ്ടാക്കുന്ന കാലത്ത് ഞാന്‍ RSS ന്റെ സര്‍ സംഘ ചാലകി ആയിക്കൊള്ളാം.”
