ബോട്ടിനെ പിന്‍തുടരുന്ന കൂറ്റന്‍ തിമിംഗലത്തിന്റെ ദൃശ്യങ്ങള്‍ വൈറലാകുന്നു
സഞ്ചാരികളെ ഭയപ്പെടുത്തി ഏറെ നേരം ബോട്ടിനെ പിന്‍തുടര്‍ന്ന തിമിംഗലത്തിന്റെ ദൃശ്യങ്ങളാണ് ഇപ്പോള്‍ സമൂഹമാധ്യമങ്ങളില്‍ വൈറലാകുന്നത്. ബോട്ടിന്റെ അടിയിലൂടെ തിമിംഗലം 50 മിനുറ്റോളം സഞ്ചരിച്ചത് സഞ്ചാരികളില്‍ ഭീതി പരത്തിയെങ്കിലും കാഴ്ചക്കാരില്‍ കൗതുകമുണര്‍ത്തുന്ന കാഴ്ചയായി അത്.
ഓസ്‌ട്രേലിയയിലാണ് ഈ അപൂര്‍വ്വമായ സംഭവം നടന്നത്. വായ ഭാഗം തുറന്ന് ബോട്ടിനെ അനുഗമിച്ച് തിമിംഗലം ഏറെ നേരം സഞ്ചരിച്ചു എന്നാണ് ദൃശ്യങ്ങള്‍ പകര്‍ത്തിയ ടോം കാനന്‍ എന്ന ഫോട്ടോഗ്രാഫര്‍ പറയുന്നത്.
തിമിംഗലം ബോട്ടിന്റെ കൂടെ സഞ്ചിരിക്കുന്നുണ്ടെന്ന് മനസിലാക്കിയ ഉടന്‍ തന്നെ ടോം വെള്ളത്തിലേക്ക് എടുത്തു ചാടി ദൃശ്യങ്ങള്‍ പകര്‍ത്തുകയായിരുന്നു. തിമിംഗലം അക്രമകാരിയല്ലെന്നും ബോട്ടിന് യാതൊരു വിധത്തിലുള്ള കേടുപാടും വരുത്തിയില്ലെന്നും ടോം പറയുന്നു.
