ഭൂമിക്ക് നേരെ കാന്തികവാതം ; മാര്ച്ച് 18 നു ലോകം നിശ്ചലമാകുമോ? കനത്ത ആശങ്കയില്‍ ശാസ്ത്രലോകം
വാഷിംഗ്ടണ്‍ : മാര്ച്ച് 18നു ലോകം നിശ്ചലമാകുമോ എന്ന ഗവേഷണത്തിലാണ് ശാസ്ത്രലോകം. അതിഭീകരമായ ഒരു കാന്തികവാതം മാര്ച്ച് 18 ന് രൂപപ്പെടും എന്ന കണ്ടെത്തലിനു പിന്നാലെ ഇത്തരത്തില്‍ ഒരു കാന്തിക വാതം രൂപപ്പെടുന്നതോടെ ആശയ വിനിമയ സംവിധാനങ്ങള്‍ മുഴുവന്‍ തകരാറിലാകും എന്ന് വാര്‍ത്തകള്‍ പരക്കുകയായിരുന്നു. വാര്‍ത്താ വിനിമയ ഉപഗ്രഹങ്ങളെ തകരാറില്‍ ആക്കും എന്നതാണ് സൗരവാതത്തിന്റെ ഏറ്റവും വലിയ പ്രത്യാഘാതം. അതോടൊപ്പം തന്നെ ഗ്രിഡ് വഴിയുള്ള വൈദ്യുതി വിതരണത്തേയും താറുമാറിലാക്കും. മാര്ച്ച് 18ന് ലോകം ശരിക്കും നിശ്ചലമാകുമോ എന്നാണ് ഇനി അറിയേണ്ടത്. സൌരവാതകങ്ങള്‍ ശാസ്ത്രലോകത്തിനു പുതുമയുള്ള ഒന്നല്ല എന്നാല്‍ ഇത്തരം സൗരവാതങ്ങള്‍ പ്രഹരശേഷി വളരെ കുറഞ്ഞവ ആയിരിക്കും. ജി-1 വിഭാഗത്തില്‍ ഉള്‍പ്പെടുന്നത്. സൗര വാതങ്ങളെ അവയുടെ പ്രഹരശേഷി അനുസരിച്ച് അഞ്ച് വിഭാഗങ്ങളായിട്ടാണ് തിരിച്ചിട്ടുള്ളത്. ജി-1 മുതല്‍ ജി-5 വരെ. ഇതില്‍ ജി-5 വിഭാഗത്തില്‍ പെടുന്ന സൗരവാതം ആണ് സംഭവിക്കുന്നത് എങ്കില്‍ ഭയക്കേണ്ടതുണ്ട്.
ഭൂമിയിലെ ആശയ വിനിമമ സംവിധാനങ്ങള്‍ മുഴുവന്‍ താറുമാറാകം. വൈദ്യുതി വിതരണം മുടങ്ങി ലോകം തന്നെ ഇരുട്ടിലാകാനും സാധ്യതയുണ്ട്. എന്തായാലും അടുത്ത കാലത്തൊന്നും ഇത്തരം ഒരു പ്രതിഭാസം ഉണ്ടായിട്ടില്ല. മാര്ച്ച് 15 ന് ശക്തമായ സൗരവാതം ഉണ്ടാകും എന്നായിരുന്നു ആദ്യം വന്ന റിപ്പോര്‍ട്ടുകള്‍. പിന്നീട് മാര്ച്ച് 18 ന് ഉണ്ടാകും എന്നും വാര്‍ത്തകള്‍ പ്രചരിക്കാന്‍ തുടങ്ങി. സാമൂഹ്യ മാധ്യമങ്ങളില്‍ ഇതോടൊപ്പം തന്നെ ഒരുപാട് വ്യാജവാര്‍ത്തകളും പ്രചരിക്കുന്നുണ്ടായിരുന്നു. പലരും സൗരവാതത്തെ നേരിടാനുള്ള തയ്യാറെടുപ്പുകളും തുടങ്ങി. എന്നാല്‍ അത്ര ഭയക്കേണ്ട സൗരവാതം ഒന്നും അല്ല ഇത്തവണ ഉണ്ടാകാന്‍ പോകുന്നത് എന്നതാണ് വാസ്തവം. 1859 ല്‍ ആയിരുന്നു ഇതിന് മുമ്പ് അതി ശക്തമായ കാന്തികവാതം ഉണ്ടായത്. അന്ന് ടെലഗ്രാഫ് ഓപ്പറേറ്റേഴ്സ് ആയിരുന്നു കുഴങ്ങിയത്. ടെലഗ്രാം അയക്കുന്ന പേപ്പറുകള്‍ പോലും കത്തിപ്പോയിരുന്നതായാണ് പറയുന്നത്. 1989 ലും സമാനമായ രീതില്‍ സാരവാതം ഉണ്ടായിരുന്നു. അന്ന് കാനഡയില്‍ ഒമ്പത് മണിക്കൂര്‍ നേരമാണ് വൈദ്യുതി വിതരണം തടസ്സപ്പെട്ടത്.
