ബംഗ്ലാദേശിന്റെ കോബ്ര ഡാന്‍സിന് ഇന്ത്യന്‍ ജയമാഘോഷിച്ച് പകരം വീട്ടി ലങ്കന്‍ ആരാധകര്‍ ;കടുവകള്‍ക്കെതിരെ രോഷം കത്തിച്ച് രോഹിത്തും
ഇന്നലത്തെ ഇന്ത്യയുടെ കിരീട വിജയം ഏറ്റവും കൂടുതല്‍ ആഗ്രഹിച്ചിരിന്നത് ശ്രീലങ്കന്‍ ആരാധകരെന്നു തോന്നും. കാരണം ഇന്ത്യയുടെ വിജയ നിമിഷം ഏറ്റവും കൂടുതല്‍ ആഘോഷമാക്കിയത് അവരായിരുന്നു. സൗമ്യ സര്‍ക്കാരിന്റെ അവസാന പന്ത് ദിനേശ് കാര്‍ത്തിക് സിക്സര്‍ പറത്തിയപ്പോള്‍ ഗ്യാലറി പൊട്ടിത്തെറിക്കുന്ന ആരവമായിരുന്നു ഉയര്ന്നത്. ഇന്ത്യയുടെ തകര്‍പ്പന്‍ ജയം ആര്‍പ്പുവിളികളുമായാണ് ലങ്കന്‍ ജനത ആഘോഷിച്ചത്.
This❤
Cricket Won by 4 Wickets#INDvBAN #NidahasTrophy2018 pic.twitter.com/cofdYtbd8K— Mohit. (@mohit_sharma__) March 18, 2018
ഇതിനു മുമ്പ് ഇന്ത്യക്ക് മറ്റൊരു രാജ്യത്തിന്റെ പിന്തുണ ഇത്രയധികം ലഭിച്ചിട്ടുണ്ടാവില്ല. ടുര്‍ണമെന്റിലെ ഫൈനലിസ്റ്റുകളെ നിര്‍ണയിക്കുന്ന മത്സരത്തില്‍ ശ്രീലങ്ക-ബംഗ്ലാദേശ് ഏറ്റുമുട്ടിയപ്പോള്‍ ഉണ്ടായ ചില സംഭവങ്ങളാണ് ലങ്ക ഒന്നടങ്കം ടീം ഇന്ത്യയ്ക്ക് വേണ്ടി അണിനിരക്കാന്‍ കാരണം.ആവേശകരമായ ആ മത്സരം ജയിച്ച ശേഷം ബംഗ്ലാ താരങ്ങള്‍ നടത്തിയ കോബ്ര ഡാന്‍സും, മൈതാനത്ത് അഴിച്ച് വിട്ട കൈയ്യാങ്കളി ഗ്രൗണ്ടും കടന്ന് ഡ്രസ്സിംഗ് റൂം തകര്‍ത്ത സംഭവും ലങ്കന്‍ ആരാധകരെ മുഴുവന്‍ ചൊടിപ്പിച്ചിരുന്നു. ഇതോടെ ലങ്കന്‍ ജനതയുടെ മുഖ്യശത്രുവായി ബംഗ്ലാദേശ് മാറി.
ഇതോടെ ഫൈനലില്‍ ഇന്ത്യക്കുവേണ്ടി ജയ് വിളിക്കാന്‍ ലങ്കന്‍ ആരാധകര്‍ ഒഴുകിയെത്തി.ഒടുവില്‍ ആഗ്രഹിച്ചതുപോലെ ആവേശാന്ത്യം ഇന്ത്യ ജയിച്ചുകയറിയപ്പോള്‍ ഇതിലും വലിയ സന്തോഷം ലങ്കന്‍ ആരാധകര്‍ക്ക് ലഭിക്കാനില്ല. ഇന്ത്യന്‍ ആരാധകനെ എടുത്തുയുര്‍ത്തി വിജയ സന്തോഷം പങ്കിടുന്ന ലങ്കന്‍ ആരാധകന്റെ ചിത്രം സോഷ്യല്‍മീഡിയയില്‍ ഹിറ്റായിരിക്കുകയാണ്. പ്രശസ്ത സച്ചിന്‍ ആരാധകന്‍ സുധീര്‍ ഗൗതമിനെയാണ് ലങ്കന്‍ ആരാധകന്‍ എടുത്തുയര്‍ത്തിയിരിക്കുന്നത്. കഴിഞ്ഞ രാത്രിയിലെ ഏറ്റവും നല്ല നിമിഷങ്ങളിലൊണിതെന്നാണ് രോഹിത്ത് വിലയിരുത്തുന്നത്. ചിത്രം രോഹിത്ത് ട്വിറ്ററിലും പങ്കുവെച്ചിരുന്നു.
