ആകെ കണ്‍ഫ്യുഷനായല്ലോ; ഓണ്‍ലൈന്‍ ലോകത്തെ കുഴപ്പത്തിലാക്കി ഈ ചിത്രം
രണ്ട് ദിവസം മുമ്പ് അലാസ്‌ക എയര്‍ലൈന്‍ ഇന്സ്റ്റഗ്രാമില്‍ പോസ്റ്റ് ചെയ്ത ഒരു ഫോട്ടോ ഓണ്‍ലെന്‍ ലോകത്തെയാകെ കുഴക്കിയിരിക്കുകയാണ്. ഹവായ് ബീച്ചില്‍ വിശ്രമിക്കുന്ന രണ്ട് വനിതകളുടെ ചിത്രമാണ് അലാസ്‌ക എയര്‍ലൈന്‍ പോസ്റ്റ് ചെയ്തത്. പോസ്റ്റ് ചെയ്ത് ഉടനെ തന്നെ ഫോട്ടോ വ്യാജമാണെന്ന് അവകാശപ്പെട്ട് നിരവധി പേര്‍ വന്നു. ഈ ഫോട്ടോയില്‍ ആളെപ്പറ്റിക്കുന്ന തിരിമറികള്‍ നടന്നിട്ടുണ്ടെന്നാണ് വിമര്‍ശനവുമായി എത്തുന്നവര്‍ പറയുന്നത്.
ചിത്രത്തിലെ പ്രധാന തകരാറായി മിക്ക ആളുകളും ചൂണ്ടിക്കാണിക്കുന്നത് ചിത്രത്തിലെ കാല്‍പ്പാടുകള്‍ ആണ്. ഒരു ജോടി കാല്‍പ്പാടുകളും രണ്ട് ആളുകളും എങ്ങനെ വാസ്തവമാകുമെന്നാണ് ആളുകള്‍ ചോദിക്കുന്നത്. എന്നാല്‍ ഫോട്ടോ മനോഹരമാണെന്ന് സമ്മതിക്കാന്‍ ആരും മടിക്കുന്നുമില്ല. റെബേക്കാ പാറ്റീ എന്ന സ്ത്രീയാണ് ഈ ചിത്രമെടുത്തിരിക്കുന്നത്.
