സ്കൂള് ബസ് കൊക്കയില്‍ മറിഞ്ഞു 26 വിദ്യാര്‍ത്ഥികള്‍ മരിച്ചു
ഹിമാചല്‍ പ്രദേശിലെ കങ്ഗ്ര ജില്ലയിലെ നൂര്‍പുരിലാണ് സ്കൂള് ബസ് മലയിടുക്കിലേക്ക് മറിഞ്ഞ് 26 വിദ്യാര്‍ഥികള്‍ മരിച്ചത്. വിദ്യാര്‍ഥികളുമായി മലമുകളിലൂടെ പോകുകയായിരുന്ന ബസ് 100 അടി താഴ്ചയിലേക്ക് മറിയുകയായിരുന്നു. വസീര്‍ റാം സിങ് പതാനിയ സ്‌കൂളിലെ പ്രൈമറി വിഭാഗത്തിലെ കുട്ടികളാണ് അപകടത്തില്‍പ്പെട്ട വാഹനത്തില്‍ ഉണ്ടായിരുന്നത്.
കുറച്ചു കുട്ടികള്‍ ബസില്‍ കുടങ്ങിക്കിടക്കുന്നതായി വാര്‍ത്താ ഏജന്‍സികള്‍ റിപ്പോര്‍ട്ടു ചെയ്തു. മരണസംഖ്യ ഉയര്‍ന്നേക്കാമെന്നും സൂചനയുണ്ട്. 27 വിദ്യാര്‍ഥികളടക്കം 30 പേര്‍ മരിച്ചതായും സ്ഥിതീകരിക്കാത്ത വാര്‍ത്തകള്‍ ഉണ്ട്. വളവ് തിരിക്കുന്നതിനിടയില്‍ ബസിന്റെ നിയന്ത്രണം വിട്ടതാണ് അപകടത്തിനിടയാക്കിയതെന്നാണ് വിവരം.
