മലപ്പുറം ; പരസ്ത്രീകളുമായി ബന്ധമുള്ള ഭര്‍ത്താവിനെ ഭാര്യ ആസിഡ് ഒഴിച്ച് കൊലപ്പെടുത്തി
മലപ്പുറം പോത്തഞ്ചേരി സ്വദേശി ബഷീറിനെ കൊലപ്പെടുത്തിയ കേസില്‍ ഭാര്യ സുബൈദയാണ് അറസ്റ്റിലായത്. ഭര്‍ത്താവിന് പരസ്ത്രീകളുമായി ബന്ധമുണ്ടായിരുന്നു എന്നും ഇത് അവസാനിപ്പിക്കുന്നതിന്റെ ഭാഗമായി മുഖത്ത് ആസിഡ് ഒഴിച്ച് വികൃതമാക്കുകയായിരുന്നു ലക്ഷ്യമെന്ന് സുബൈദ പോലീസിനോട് പറഞ്ഞു. രണ്ടാഴ്ച മുമ്പാണ് മുണ്ടുപറമ്പിലെ വാടകവീട്ടില്‍ വച്ച് ബഷീര്‍ ആസിഡ് ആക്രമണത്തിന് ഇരയായത്. തുടര്‍ന്ന് ഏപ്രില്‍ 21 ന് കോഴിക്കോട് മെഡിക്കല്‍ കോളേജില്‍ വെച്ചാണ് ബഷീര്‍ മരിക്കുന്നത്.
വീട്ടിലെത്തിയ ഒരാള്‍ അകത്തുകടന്ന് ആസിഡ് ഒഴിച്ചു എന്നായിരുന്നു ബഷീര്‍ മൊഴി നല്‍കിയിരുന്നത്. എന്നാല്‍ പിന്നീട് നടത്തിയ അന്വേഷണത്തില്‍ സുബെദയാണ് ആക്രമണം നടത്തിയതെന്ന് പോലീസ് കണ്ടെത്തുകയായിരുന്നു. അതേസമയം മുഖം വികൃതമായാല്‍ ഭര്‍ത്താവിനെ മറ്റുള്ള സ്ത്രീകള്‍ ഉപേക്ഷിക്കുമെന്നും അതുകൊണ്ടാണ് ഇങ്ങനെ ചെയ്തത് എന്നും കൊലപ്പെടുത്താന്‍ ഉദേശിച്ചിരുന്നില്ല എന്നും അവര്‍ പറയുന്നു.
