ദേശിയ ചലച്ചിത്ര പുരസ്ക്കാരം ; തിരസ്ക്കരിച്ചവരെ പിന്തുണച്ച് അടൂര്‍ ഗോപാലകൃഷ്ണന്‍
ദേശീയ ചലച്ചിത്ര പുരസ്‌കാര ജേതാക്കള്‍ പുരസ്‌കാരവിതരണച്ചടങ്ങ് ബഹിഷ്‌കരിച്ചതിനെ പിന്തുണച്ചു സംവിധായകന്‍ അടൂര്‍ ഗോപാലകൃഷ്ണന്‍. അവരുടെ വികാരം വളരെ ന്യായമാണെന്ന് അദ്ദേഹം പറയുന്നു. കലാകാരന്മാര്‍ക്കും സാങ്കേതിക വിദഗ്ധര്‍ക്കും ഈ പുരസ്‌കാരം രാഷ്ട്രപതിയുടെ കയ്യില്‍ നിന്ന് കിട്ടുക എന്നത് ഒരു അഭിമാനപ്രശ്നമാണ് അതിനെ ചെറുതാക്കുന്നത് ശരിയല്ലെന്നും ഒരു മണിക്കൂറില്‍ കൂടുതല്‍ രാഷ്ട്രപതിയെ പങ്കെടുപ്പിക്കാനാവില്ലെന്ന് അദ്ദേഹത്തിന്റെ ഓഫീസില്‍ നിന്നാണ് അറിയിച്ചത്.
അങ്ങനെയെങ്കില്‍ പുരസ്‌കാര വിതരണച്ചടങ്ങ് രണ്ട് ദിവസമായി നടത്താമായിരുന്നു എന്നും പത്മാ പുരസ്‌കാരമൊക്കെ അങ്ങനെയാണ് നല്‍കുന്നത് അടൂര്‍ പറഞ്ഞു. രാഷ്ട്രപതിക്ക് സമയം ഇല്ല എങ്കില്‍ ഉപരാഷ്ട്രപതി കൊടുക്കട്ടെ എന്നും അദ്ദേഹം പറയുന്നു.
