പുരുഷന്മാരുടെ സ്വവര്‍ഗ്ഗ രതി ഡേറ്റിംഗ് സൈറ്റിന്റെ മുഖചിത്രം ഗണപതിയുടെ ടാറ്റൂകുത്തിയ മോഡല്‍
ലോകത്തില്‍ ഏറ്റവും കൂടുതല്‍ പേര്‍ ഉപയോഗിക്കുന്ന ഗേ ഡേറ്റിംഗ് സൈറ്റ് ആയ പ്ലാനറ്റ് റോമിയോ എന്ന സൈറ്റിലാണ് ഹൈന്ദവ വിശ്വാസികളുടെ ആരാധനാ ദൈവമായ മഹാഗണപതിയുടെ രൂപം ടാറ്റു കുത്തിയ മോഡലിന്റെ ചിത്രം ഉള്‍പ്പെടുത്തിയിരിക്കുന്നത്. സൈറ്റിന്റെ ഡസ്ക്ടോപ്‌ വെര്‍ഷനിലാണ് വിശ്വാസികളുടെ വികാരം വ്രണപ്പെടുന്ന തരത്തില്‍ ചിത്രം പ്രദര്‍ശിപ്പിച്ചിരിക്കുന്നത്. ഇതിനെതിരെ പലരും പ്രതിഷേധിച്ചു എങ്കിലും സൈറ്റ് അധികൃതര്‍ ഇതുവരെ ചിത്രം മാറ്റുവാന്‍ തയ്യാറായിട്ടില്ല. ഇത് ആദ്യമായല്ല ഹൈന്ദവ ദൈവങ്ങളുടെ ചിത്രങ്ങളും രൂപങ്ങളും പാശ്ചാത്യര്‍ ദുരുപയോഗം ചെയ്യുന്നത്.
നേരത്തെ ആസ്ട്രേലിയ അടക്കമുള്ള രാജ്യങ്ങളില്‍ ടോയിലേറ്റ് പേപ്പര്‍ ആയും ചവിട്ടിയായും എല്ലാം ദൈവങ്ങളുടെ ചിത്രങ്ങള്‍ പ്രിന്റ്‌ ചെയ്തിരുന്നത് വിവാദങ്ങള്‍ക്ക് വഴി വെച്ചിരുന്നു. അതുപോലെ ചെരുപ്പുകളില്‍ പോലും ദൈവങ്ങളുടെ ചിത്രം അവര്‍ ഉള്‍പ്പെടുത്തി. ഇപ്പോള്‍ ലോകമെമ്പാടും ടാറ്റു ചെയ്യുന്നവര്‍ക്ക് ഏറെ പ്രിയങ്കരമാണ് ഭാരതീയ സംസ്ക്കാരവും ദൈവങ്ങളും രൂപങ്ങളും . അതൊക്കെ ഓരോരുത്തരുടെ സ്വകാര്യ വിഷയങ്ങള്‍ ആണ് എന്ന് പറയാം എങ്കിലും. ഇത്തരത്തിലുള്ള സൈറ്റുകളില്‍ ദൈവങ്ങളുടെ ചിത്രങ്ങള്‍ പ്രദര്‍ശിപ്പിക്കുന്നത് വിശ്വാസികളുടെ കടുത്ത എതിര്‍പ്പിന് മാത്രമേ വഴിവക്കുകയുള്ളൂ എന്നാണ് എതിര്‍ക്കുന്നവര്‍ പറയുന്നത്. കേരളത്തില്‍ മാത്രം പതിനായിരത്തിലേറെ അംഗങ്ങളാണ് ഈ സൈറ്റില്‍ ഉള്ളത്. എറണാകുളത്തും തിരുവനന്തപുരത്തുമാണ് അംഗങ്ങളുടെ എണ്ണം കൂടുതല്‍.
