തൃശൂരില്‍ പട്ടാപകല്‍ യുവാവിനെ പട്രോള്‍ പമ്പില്‍ വെച്ച് ചുട്ടുകൊല്ലാന്‍ ശ്രമം (വീഡിയോ)
പമ്പില്‍ പെട്രോളടിക്കാന്‍ എത്തിയ യുവാവിനെ ചുട്ടുകൊല്ലാന്‍ ശ്രമം. മറ്റത്തൂര്‍ പഞ്ചായത്തിലെ മൂന്ന് മുറിയില്‍ വൈകിട്ട് നാല് മണിക്കാണ് സംഭവം. മുപ്ലിയം മാണൂക്കാടന്‍ ദിലീപിനെയാണ് സ്ഥലത്തെ പ്രമുഖ ഗുണ്ട തീയിട്ടത്. പമ്പിലെ സിസിടിവി ദൃശ്യങ്ങളില്‍ നിന്ന് പ്രതി മൂന്നുമുറി ഒമ്പതുങ്ങല്‍ വട്ടപ്പറമ്പന്‍ വിനീത് (29) ആണെന്ന് തിരിച്ചറിഞ്ഞു. വധശ്രമം അടക്കം 11 ഓളം കേസിലെ പ്രതിയാണ് ഇയാള്‍. ഇയാള്‍ ഒളിവിലാണ്. പെട്രോള്‍ നിറച്ച ശേഷം ബൈക്ക് മാറ്റാന്‍ വൈകിയതുമായി ബന്ധപ്പെട്ട് ദിലീപും ഇയാളുമായി വാക്കേറ്റമുണ്ടായിരുന്നു.
ക്ഷുഭിതനായ വിനീത് ബൈക്കിന് തീയിട്ടുകയായിരുന്നു. എന്നാല്‍ ബൈക്കിനു സമീപത്തു നിന്ന ദിലീപിന്റെ ദേഹത്തും തീ പടരുകയായിരുന്നു. ദേഹമാസകലം തീപടര്‍ന്ന ദിലീപ് സമീപത്തെ തോട്ടിലേക്ക് ചാടി രക്ഷപ്പെടുകയായിരുന്നു. ദിലീപിനെ ആശുപത്രിയില്‍ പ്രവേശിപ്പിച്ചു. അതേസമയം വന്‍ദുരന്തമാണ് ഒഴിവായത്.
