വെടിയേറ്റു വീണു പിടയുന്ന യുവാവിനെ കൂട്ടം ചേര്‍ന്ന് തല്ലി തമിഴ്‌നാട്‌ പോലീസ് ; ഷോക്കിംഗ് വീഡിയോ
തൂത്തുക്കുടി പോലീസ് അതിക്രമത്തില്‍ വെടിയേറ്റ് പ്രാണവേദനയില്‍ പിടയുന്ന യുവാവിനോട് അധികം അഭിനയിക്കരുതെന്ന് പോലീസിന്റെ ശാസന. തൂത്തുക്കുടിയില്‍ സ്‌റ്റെര്‍ലൈറ്റ് പ്ലാന്റിനെതിരായ പ്രതിഷേധത്തിനിടയില്‍ നിന്നാണ് മനുഷ്യത്വരഹിതമായ ഈ കാഴ്ച്ച ആരോ പകര്‍ത്തി സാമൂഹികമാധ്യമങ്ങളിലെത്തിച്ചത്. ദൃശ്യങ്ങളിലുള്ള യുവാവ് പിന്നീട് ആശുപത്രിയില്‍ വെച്ച് മരിച്ചു. ജനക്കൂട്ടത്തിന് നേരെയുള്ള പോലീസ് വെടിവെപ്പിലാണ് കാളിയപ്പന്‍ എന്ന 22കാരന് അതിദാരുണമായി പരിക്കേറ്റത്.
വെടിയേറ്റ് നിലത്ത് വീണ് വേദനയില്‍ പിടഞ്ഞ കാളിയപ്പനെ പോലീസുകാര്‍ വീണ്ടും അതിക്രൂരമായി മര്‍ദ്ദിക്കുന്ന ദൃശ്യങ്ങളാണ് പുറത്തുവന്നത്. ലാത്തികൊണ്ട് കുത്തിയശേഷമാണ് പോലീസുകാരിലൊരാള്‍ കാളിയപ്പനോട് അധികം അഭിനയിക്കരുതെന്ന് ആക്രോശിക്കുന്നത്. എഴുന്നേറ്റ് പോകാന്‍ പറഞ്ഞാണ് പോലീസുകാര്‍ കാളിയപ്പനെ മര്‍ദ്ദിച്ചത്. ഇയാളുടെ കാലില്‍ പിടിച്ചു വലിക്കുന്നതും കാണുവാന്‍ സാധിക്കും.
#Police says to an Fired and Injured man “Don’t Act” #Sterliteprotest #Bansterlite #Thoothukudi 🔥 pic.twitter.com/vwy7mVwc6T
— Vikram VFC (@Vijayfans007) May 23, 2018
