സഞ്ജയ്‌ ദത്തിന്റെ ജീവതം സിനിമയാകുന്നു ; “സഞ്ജു” ട്രെയിലര്‍ പുറത്ത്
ബോളിവുഡിലെ ഒരു കാലത്തെ സൂപ്പര്‍സ്റ്റാറും അതുപോലെ വിവാദങ്ങളുടെ കളിത്തോഴനുമായ നടനാണ്‌ സഞ്ജയ്‌ ദത്ത്. അന്തരിച്ച പ്രമുഖ നടനും എം പിയുമായ സുനില്‍ ദത്തിന്റെ മകനായ സഞ്ജയ്‌ സിനിമാ ലോകത്ത് വന്ന നാളുമുതല്‍ വിവാദങ്ങളും കൂടെ ഉണ്ടായിരുന്നു. ലഹരിക്ക്‌ അടിമയായി ജീവിതം തന്നെ അവസാനിക്കും എന്ന ഘട്ടത്തില്‍ നിന്നും തിരിച്ചു കയറി ഒരുവേള ബോളിവുഡില്‍ ഏറ്റവും കൂടുതല്‍ പ്രതിഫലം വാങ്ങുന്ന താരം വരെ ആയി തിളങ്ങി നിന്ന സമയമാണ് ബോംബെ ബ്ലാസ്റ്റ് സംഭവുമായി ബന്ധപ്പെടുത്തി അധോലോക ബന്ധം ആരോപിച്ച് ജയിലില്‍ ആകുന്നത്. തെളിവായി സഞ്ജയ്‌ ദത്തിന്റെ പക്കല്‍ നിന്നും തീവ്രവാദികള്‍ ഉപയോഗിക്കുന്ന തോക്കുകളും പോലീസ് പിടികൂടിയിരുന്നു. തുടര്‍ന്ന്‍ ജയില്‍ വാസം. സിനിമാ ലോകവും ആരാധകരും എല്ലാം മറന്നു തുടങ്ങിയ സമയം മുന്നാ ഭായി എന്ന സിമിമയിലൂടെ വീണ്ടും തിരിച്ചു വരവ്.
ഒരു ബോളിവുഡ് മസാല പടത്തിനു വേണ്ട എല്ലാം ഉള്ള ജീവിത കഥയാണ്‌ ഏവരും ബാബ എന്ന് സ്നേഹത്തോടെ വിളിക്കുന്ന സഞ്ജയ്ദത്തിനു ഉള്ളത്. അതുകൊണ്ട് തന്നെയാകും മുന്നാഭായി, 3 ഇടിയേറ്റ്‌സ്. പി കെ എന്നിങ്ങനെ സൂപ്പര്‍ ഹിറ്റ്‌ ചിത്രങ്ങള്‍ മാത്രം സംവിധാനം ചെയ്തിട്ടുള്ള ഇന്ത്യന്‍ സിനിമയിലെ തന്നെ മുന്‍നിര സംവിധായകരില്‍ ഒരാളായ രാജ് കുമാര്‍ ഹിരാനി തന്‍റെ ഉറ്റമിത്രം കൂടിയായ സഞ്ജയ്‌ ദത്തിന്റെ ജീവിതം സിനിമയാക്കുവാന്‍ തയ്യാറായതും. ബോളിവുഡ് യുവതാരങ്ങളില്‍ ഒന്നാമനായ രണ്ബീര്‍ കപൂര്‍ ആണ് സഞ്ജയ്ദത്ത് ആയി സിനിമയില്‍ എത്തുന്നത്. കൂടാതെ വമ്പന്‍ താര നിര തന്നെ സിനിമയില്‍ അണിനിരക്കുന്നു. ഇന്ത്യ,പാക്കിസ്ഥാന്‍,നേപ്പാള്‍ എന്നിവിടങ്ങളില്‍ യൂ യ്ടൂബ് ട്രെന്‍ഡിങ്ങില്‍ ഒന്നാമതാണ് ട്രെയിലര്‍ ഇപ്പോള്‍.
