ഗോള്‍ വേട്ട ; സുനില്‍ ചേത്രിയും മെസിയും ഒപ്പത്തിനൊപ്പം
രാജ്യത്തിന് വേണ്ടി ഏറ്റവും കൂടുതല്‍ ഗോള്‍ നേടുന്ന നിലവില്‍ കളിക്കുന്ന താരങ്ങളുടെ പട്ടികയില്‍ ഇന്ത്യന്‍ താരം സുനില്‍ ഛേത്രിയും അര്‍ജന്റീനയുടെ ഇതിഹാസതാരം ലയണല്‍ മെസിയും ഒപ്പത്തിനൊപ്പം. ഇന്റര്‍കോണ്ടിനന്റല്‍ കപ്പ് ഫൈനല്‍ പോരാട്ടത്തില്‍ കെനിയക്കെതിരെ രണ്ട് ഗോള്‍ നേടിയതോടെയാണ് ഛേത്രി മെസിയുടെ റെക്കോഡിനൊപ്പം എത്തിയത്. ഇതോടെ ഛേത്രിയുടെ മൊത്തം ഗോളുകള്‍ 64 ആയി.
ദേശീയ ടീമിനായി കൂടുതല്‍ ഗോള്‍ നേടിയവരുടെ പട്ടികയില്‍ 19ാം സ്ഥാനത്താണ് ഛേത്രി. ഇറാന്റെ ഇതിഹാസതാരം അലി ദേയിയാണ് ലോകത്തെ ഏറ്റവും മികച്ച ഗോള്‍ വേട്ടക്കാരില്‍ ഒന്നാമത്. 109 ഗോളുകളാണ് അലി ദേശീയ ടീമിന് വേണ്ടി നേടിയത്. ഹംഗറിയുടെ ഫെറെന്‍ക് പുഷ്‌കസ് ആണ് രണ്ടാം സ്ഥാനത്ത്.
