ആരാധകര്‍ക്ക് കടുത്ത നിരാശ; മെസ്സിയുടെ പിഴവില്‍ വിജയം തുലച്ചു അര്‍ജന്റീന
മെസ്സിയുടെ പിഴവില്‍ വിജയം തുലച്ചു അര്‍ജന്റീന. മെസ്സി പെനാല്‍റ്റി തുലച്ച മത്സരത്തില്‍ അര്‍ജന്റീന ആദ്യ ലോകകപ്പ് കളിക്കുന്ന ഐസ് ലന്‍ഡിനോട് സമനില വഴങ്ങി. സ്‌കോര്‍: 1-1. പത്തൊന്‍പതാം മിനിറ്റില്‍ സെര്‍ജിയോ അഗ്യുറോയിലൂടെ അര്‍ജന്റീനയാണ് ആദ്യം മുന്നിലെത്തിയത്. ഇരുപത്തിമൂന്നാം മിനിറ്റില്‍ എന്തു ചെയ്യണമെന്ന് അറിയാതെ വട്ടംകറങ്ങിയ അര്‍ജന്റീനയുടെ ഡിഫന്‍ഡര്‍മാരെ കബളിപ്പിച്ച് ഫിന്‍ബൊഗാസണ്‍ വല കുലുക്കി. അര്‍ജന്റീന അക്ഷരാര്‍ഥത്തില്‍ ഞെട്ടിയ നിമിഷം. ഇതിനു ശേഷമായിരുന്നു മെസ്സിയുടെ നാണംകെട്ട മിസ് പിറന്നത്.
ആദ്യ നാല്‍പ്പത്തിയഞ്ച് മിനിറ്റില്‍ കളിയുടെ ഭൂരിഭാഗം സമയവും പന്ത് അര്‍ജന്റീനയുടെ കൈവശമായിരുന്നു. എന്നാല്‍ കിട്ടിയ അവസരങ്ങളിലെല്ലാം കൗണ്ടര്‍ അറ്റാക്കുമായി ഐസ്‌ലന്‍ഡും കളംനിറഞ്ഞു. എന്നാല്‍ ആരാധകര്‍ പ്രതീക്ഷിച്ച അര്‍ജന്റീനയല്ലായിരുന്നു മൈതാനത്ത് കണ്ടത്. ആരാധകരെ കോരിത്തരിപ്പിക്കുന്ന ഒരു നീക്കം പോലും അര്‍ജന്റീനയുടെ ഭാഗത്ത് നിന്നും ഉണ്ടായില്ല. അതിന്റെ ഇടയിലായിരുന്നു മെസ്സിയുടെ പിഴവും.
