വാട്സ് ആപ്പ് ഗ്രൂപ്പ് വീഡിയോ കോള്‍ എത്തി
കാലത്തിനനുസരിച്ച് മാറുകയാണ് വാട്സ് ആപ്പ്. ലോകനമ്പര്‍ വണ്‍ ആണ് എങ്കിലും ഈ അടുത്ത കാലത്താണ് വാട്സ് ആപ്പില്‍ പല പുതിയ ഫീച്ചറുകളും ഇടംപിടിച്ചത്. ഇപ്പോള്‍ അടിക്കടി പുതുപുത്തന്‍ ഫീച്ചറുകളുമായി മുഖം മിനുക്കുകയാണ് വാട്ട്സ്ആപ്പ്. ഇപ്പോഴിതാ വാട്ട്‌സാപ്പിന്റെ ഏറ്റവും പുതിയ അപ്‌ഡേറ്റില്‍ ഉപയോക്താക്കള്‍ നാളുകളേറെയായി കാത്തിരുന്ന ഗ്രൂപ്പ് വീഡിയോ കോളിംഗ്, വോയിസ് കോളിംഗ് ഫീച്ചര്‍ കൊണ്ടു വന്നിരിക്കുകയാണ് കമ്പനി. ആന്‍ഡ്രോയ്ഡ് ബീറ്റാ പതിപ്പിലാണ് ഗ്രൂപ്പ് വിഡിയോ കോള്‍ ഫീച്ചര്‍ ഉള്‍പ്പെടുത്തിയിരിക്കുന്നത്. വാട്സാപ്പ് v2.18.189 അല്ലെങ്കില്‍ v2.18.192 പതിപ്പിലാണ് ഗ്രൂപ്പ് വീഡിയോ, വോയ്സ് കോള്‍ ലഭിക്കുക.
നിലവില്‍ നാല് അംഗങ്ങളെ വരെ വീഡിയോ കോളില്‍ ചേര്‍ക്കാം. പുതിയ ഫീച്ചര്‍ ലഭ്യമാണോ എന്നറിയാന്‍ സാധാരണ കോള്‍ ചെയ്യുന്നപോലെ ഒരു സുഹൃത്തിനെ വിളിക്കുക. അപ്പോള്‍ സ്‌ക്രീനില്‍ ‘ആഡ് പാര്‍ട്ടിസിപ്പന്റ്’ എന്നൊരു ഓപ്ഷന്‍ ലഭിക്കുന്നുണ്ടെങ്കില്‍ ആ ഫീച്ചര്‍ നിങ്ങള്‍ക്കും ലഭ്യമായി തുടങ്ങി എന്ന് ഉറപ്പിക്കാം. ചില ഐഒഎസ്, ആന്‍ഡ്രോയ്ഡ് ഉപയോക്താക്കള്‍ക്ക് മാത്രമായി വാട്‌സപ്പ് ഗ്രൂപ്പ് വിഡിയോ കോളിങ് സര്‍വീസ് ഒരു മാസം മുമ്പേ ആരംഭിച്ചിരുന്നു. ഫേസ്ബുക്കും മറ്റും ഈ ഫീച്ചര്‍ നിലവില്‍ കൊണ്ട് വന്നിട്ട് കാലങ്ങളായി.
