റോഡപകടത്തില്‍ പരിക്കേറ്റ് കിടന്നവരുടെ മുന്‍പില്‍ നിന്ന് സെല്‍ഫി ; പൊലിഞ്ഞത് മൂന്ന് ജീവന്
മനുഷ്യര്‍ ജീവന് വേണ്ടി പിടഞ്ഞ സമയം അവരുടെ മുന്‍പില്‍ നിന്ന് സെല്‍ഫി എടുക്കുന്ന തിരക്കിലായിരുന്നു അയാള്‍. ബൈക്ക് അപകടത്തില്‍പ്പെട്ട് ചോരയില്‍ കുളിച്ച് മൂന്നുപേര്‍ റോഡില്‍ ജീവനുവേണ്ടി നിലവിളിക്കുമ്പോഴും സെല്‍ഫിയെടുക്കുന്നതിന്റേയും വീഡിയോ ഷൂട്ട് ചെയ്യുന്നതിന്റെയും തിരക്കിലായിരുന്നു അയാള്‍. രാജസ്ഥാനിലെ ബാര്‍മര്‍ ജില്ലയിലാണ് ദാരുണമായ സംഭവം ഉണ്ടായത്. മൂന്ന് പേര്‍ ബൈക്കില്‍ സഞ്ചരിക്കുന്നതിനിടെ സ്‌കൂള്‍ ബസ്സുമായി കൂട്ടിയിടിച്ചാണ് അപകടമുണ്ടായത്.
ഒരാള്‍ സംഭവ സ്ഥലത്തുതന്നെ മരിച്ചു. ഗുരുതരമായ പരിക്കേറ്റ രണ്ടുപേര്‍ ചോരയില്‍ കുളിച്ച നിലയില്‍ റോഡില്‍ കിടന്നു. ഇതിനിടെയാണ് വഴിപോക്കരിലൊരാള്‍ അവരെ ക്ഷിക്കാന്‍ ശ്രമിക്കാതെ സെല്‍ഫിയെടുക്കുകയും വീഡിയോ എടുക്കുകയു ചെയ്തത്. എന്നെ രക്ഷിക്കൂ എന്ന് പരിക്കേറ്റ ഒരാള്‍ വിളിച്ചു പറയുന്നതും ആ വീഡിയോയില്‍ വ്യക്തമാണ്. സംഭവ സ്ഥലത്തുനിന്ന് പകര്‍ത്തിയ സെല്‍ഫി ഇയാള്‍ തന്നെ പ്രചരിപ്പിച്ചതോടെ ഇയാള്‍ക്ക് എതിരെ നടപടി വേണം എന്നാണു ആവശ്യം ഉയരുന്നത്.
