100 കോടി കളക്ഷനുമായി മമ്മൂട്ടിയുടെ എബ്രഹാമിന്‍റെ സന്തതികള്‍ ; കളിയാക്കി മോഹന്‍ലാല്‍ ചിത്രങ്ങളുടെ ഒഫിഷ്യല്‍ പേജുകള്‍
മമ്മൂട്ടി നായകനായി അഭിനയിച്ച എബ്രഹാമിന്‍റെ സന്തതികള്‍ എന്ന ചിത്രമാണ് പുലിമുരുകന് ശേഷം നൂറുകോടി ക്ലബ്ബില്‍ കയറിയ മലയാള ചിത്രം എന്ന് അതിന്റെ അണിയറ പ്രവര്‍ത്തകര്‍ അവകാശം ഉന്നയിച്ചിരിക്കുന്നത്. ഷാജി പാടൂര്‍ സംവിധാനം ചെയ്ത ചിത്രം ഗുഡ് വില്‍ സിനിമയുടെ ബാനറില്‍ ടി എല്‍ ജോര്‍ജ്ജും ജോബി ജോര്‍ജ്ജും ചേര്‍ന്നാണ് നിര്‍മ്മിച്ചിരിക്കുന്നത്. എന്നാല്‍ ചിത്രം നൂറുകോടി ക്ലബ്ബില്‍ കയറി എന്ന പ്രഖ്യാപനം വന്നതിനു പിന്നാലെ അതിനെ കളിയാക്കിക്കൊണ്ട്‌ നിര്‍മ്മാതാക്കളുടെ തള്ള് ആണ് ഇതെന്ന് പേരില്‍ മോഹന്‍ലാല്‍ ആരാധകര്‍ രംഗത്ത് വന്നു.
ആരാധകരുടെ ഇടയില്‍ ഇത് സര്‍വ്വ സാധാരണമാണ് എങ്കിലും ഇത്തവണ കേട്ടുകേള്‍വി പോലുമില്ലാത്ത തരത്തിലാണ് ലാല്‍ ആരാധകര്‍ ഇതിനെതിരെ പ്രതികരിച്ചത്. മോഹന്‍ലാല്‍ അഭിനയിച്ച് പുറത്തു വന്ന സിമികളായ പുലിമുരുകന്, ദൃശ്യം, ഒപ്പം, എന്നിങ്ങനെയുള്ള ചിത്രങ്ങളുടെ ഒഫിഷ്യല്‍ പെജിലൂടെയാണ് മമ്മൂട്ടി ചിത്രത്തിനെ പരിഹസിക്കുന്ന തരത്തില്‍ പോസ്റ്റുകള്‍ വന്നത്. മോഹന്‍ലാലും സഹതാരങ്ങളും പൊട്ടിച്ചിരിക്കുന്ന തരത്തിലുള്ള ചിത്രങ്ങളാണ് പോസ്റ്റുകളില്‍ ഉപയോഗിച്ചിരിക്കുന്നത്.
മലയാള സിനിമാ ചരിത്രത്തില്‍ ആദ്യമായിട്ടാകും ഒരു പ്രമുഖ താരത്തിനെ മറ്റൊരു പ്രമുഖ താരത്തിന്റെ ഒഫിഷ്യല്‍ പേജിലൂടെ ഈ രീതിയില്‍ പരിഹസിക്കുന്നത്. ചിത്രങ്ങള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുകയാണ് ഇപ്പോള്‍.
