അമേരിക്കയില്‍ വീണ്ടും വെടിവെപ്പ് ; മൂന്ന് പേര്‍ കൊല്ലപ്പെട്ടു
അമേരിക്കിയിലെ ലൂസിയാനയിലെ ന്യൂ ഓര്‍ലന്‍സില്‍ ഉണ്ടായ വെടിവെപ്പില്‍ മൂന്നുപേര്‍ കൊല്ലപ്പെട്ടു. പ്രാദേശിക സമയം ശനിയാഴ്ച രാത്രി 10.30 നാണ് സംഭവം. ഒരു സ്ത്രീയുള്‍പ്പെടെ മൂന്നുപേര്‍ സംഭവസ്ഥലത്തുവെച്ച് തന്നെ മരിച്ചു. രണ്ട്‌പേര്‍ ആള്‍ക്കൂട്ടത്തിലേക്ക് വെടിയുതിര്‍ക്കുകയായിരുന്നുവെന്നാണ് വിവരം. വെടിവെപ്പ് നടത്തിയത് തലമറയ്ക്കുന്ന തരത്തിലുള്ള വസ്ത്രം ധരിച്ചെത്തിയവരാണെന്ന് പോലീസ് പറയുന്നത്.
ഇവര്‍ ആളുകള്‍ക്ക് പുറകില്‍ നിന്ന് തുടര്‍ച്ചയായി വെടിവെക്കുകയായിരുന്നു. അക്രമികളെ പിടികൂടാനായിട്ടില്ല. ഇവരെപ്പറ്റി വിവരങ്ങള്‍ ലഭിക്കുന്നവര്‍ പോലീസിനെ അറിയിക്കണമെന്ന് അധികൃതര്‍ അറിയിച്ചിട്ടുണ്ട്. ഏഴുപേര്‍ക്ക് പരിക്കേറ്റു. ഇതില്‍ ഒരാളുടെ നില ഗുരുതരമാണ് എന്നാണ് വിവരം.
