ഡബ്ലിയു.എം.എഫ് കുവൈറ്റ് ചാപ്റ്റര്‍ ഓപ്പണ്‍ മെമ്പര്‍ഷിപ് ക്യാമ്പയിന് ഗംഭീര തുടക്കം
കുവൈറ്റ് സിറ്റി: ആഗോള പ്രവാസി മലയാളി സംഘടനയായ വേള്‍ഡ് മലയാളി ഫെഡറേഷന്റെ കുവൈറ്റ് പ്രൊവിന്‍സിന്റെ നേതൃത്വത്തില്‍ ഓപ്പണ്‍ മെമ്പര്‍ഷിപ്ക്യാമ്പയിന്‍ ഉദ്ഘാടനം ചെയ്തു.
ഓഗസ്റ്റ് 4ന് സാല്‍മിയയിലെ ഹോളിഡേ ഇന്‍ ഹോട്ടലില്‍ സംഘടിപ്പിച്ച ചടങ്ങില്‍ പ്രശസ്ത മിനിസ്‌ക്രീന്‍ താരങ്ങളായ മാത്തുക്കുട്ടി, സംഘടനയുടെ ഗ്ലോബല്‍ ടാലന്റ് കോര്‍ഡിനേറ്റര്‍ കൂടിയായ രാജ് കലേഷ് എന്നിവര്‍ ചേര്‍ന്ന് സിനിമ പ്രവര്‍ത്തകനും കുവൈറ്റിലുള്ള ഗൂഗിള്‍ ട്രസ്റ്റഡ് ഫോട്ടോഗ്രാഫറുമായ സിജോ എം. അബ്രഹാമിന് മെമ്പര്‍ഷിപ് നല്‍കി ക്യാമ്പയിന്റെ ഉദ്ഘാടനം നിര്‍വ്വഹിച്ചു .
ഡബ്ലിയു.എം.എഫ് കുവൈറ്റ് പ്രസിഡന്റ് ടോം ജേക്കബ് അധ്യക്ഷത വഹിച്ച സമ്മേളനത്തില്‍ വൈസ് പ്രസിഡന്റും മെമ്പര്‍ഷിപ് ക്യാമ്പയിന് കണ്‍വീനറുമായ ജെയ്സണ്‍ കാളിയാനില്‍ സ്വാഗതം ആശംസിച്ചു. കോഡിനേറ്റര്‍ സുനില്‍.എസ്.എസ്, ഭരണ സമിതി അംഗങ്ങളായ രഞ്ജിത് പിള്ള, സലിം ഐഡിയല്‍, മാത്യു അരീപ്പറമ്പില്‍, സുമിത് ജോസ്, രഞ്ജിനി വിശ്വനാഥ് എന്നിവരും മറ്റു അംഗംങ്ങളും സണ്ണിഗിതരായിരുന്നു. ഐഡിയല്‍ സലിം നന്ദി രേഖപ്പെടുത്തി.
രൂപീകൃതമായി രണ്ടു വര്‍ഷത്തിനുള്ളില്‍ തന്നെ ലോകത്തിന്റെ വിവിധ രാജ്യങ്ങളില്‍ 93 യൂണിറ്റുകളുമായി പ്രവര്‍ത്തിക്കുന്ന സംഘടന ഇതിനോടകം തന്നെ ലോകത്തിലെ ഏറ്റവും വലിയ പ്രവാസി മലയാളി ശൃംഘലയായി പേരെടുത്തുകഴിഞ്ഞു. ജാതി, മത, രാഷ്ട്രീയ, ദേശ ഭേദമില്ലാതെ ലോക മലയാളികളുടെ സൗഹൃദവും, സഹകരണവും ലക്ഷ്യമാക്കി പ്രവര്‍ത്തിക്കുന്ന സംഘടനയില്‍ പ്രവര്‍ത്തിക്കാന്‍ താല്പര്യമുള്ളവര്‍ക്കാണ് മുന്‍ഗണന.
ഡബ്ലിയു.എം.എഫ് മെമ്പര്‍ഷിപ്പിനായി ബന്ധപ്പെടുക:
60636767/97217739/55668005
97240284/55638435/99246633
