കേരളത്തിന്‌ വീണ്ടും സഹായവുമായി സണ്ണി ലിയോണ്‍
പ്രളയക്കെടുതിയില്‍ ദുരിതമനുഭവിക്കുന്ന കേരളത്തിലെ ജനങ്ങള്‍ക്ക് സഹായഹസ്തം നീട്ടി സണ്ണി ലിയോണും ഭര്‍ത്താവ് ഡാനിയേല്‍ വെബ്ബറും വീണ്ടും രംഗത്ത്. 1200 കിലോ അരിയും പരിപ്പുമാണ് സണ്ണി ഇപ്പോള്‍ കേരളത്തിലേക്ക് അയച്ചത്. കേരളത്തിലെ കുറച്ചു പേര്‍ക്ക് ആഹാരം നല്‍കാനായതിലുള്ള സന്തോഷം സോഷ്യല്‍ മീഡിയയിലൂടെ പങ്കുവെച്ച സണ്ണി
‘ഇതൊന്നും തികയില്ലെന്നറിയാമെന്നും ഇനിയും കേരളത്തിലെ ജനങ്ങള്‍ക്കായി ധാരാളം കാര്യങ്ങള്‍ ചെയ്യാന്‍ ആഗ്രഹിക്കുന്നുണ്ടെന്നും’ പറഞ്ഞു. നേരത്തെ മുഖ്യമന്ത്രിയുടെ ദുരിതാശ്വാസ നിധിയിലേക്ക് താരം അഞ്ച് കോടി സംഭാവന ചെയ്തത് വ്യാജമാണെന്ന് സോഷ്യല്‍ മീഡിയ പ്രചാരണങ്ങളുണ്ടായിരുന്നു.
എന്നാല്‍ ഒടുവില്‍ ഈ വാര്‍ത്ത സത്യമാണെന്ന് താരത്തിന്റെ ഓഫീസ് തന്നെ അറിയിച്ചു. എന്നാല്‍ സംഭാവന ചെയ്ത തുക എത്രയെന്ന് വെളിപ്പെടുത്താന്‍ ആഗ്രഹിക്കുന്നില്ലെന്നും അത് അവരുടെ വ്യക്തിപരമായ കാര്യമാണ് എന്നുമാണ് അവരുമായി അടുത്ത വൃത്തങ്ങള്‍ പറഞ്ഞത്.
