നെഞ്ചിലൂടെ കമ്പി കയറി മുതുകിലൂടെ പുറത്തെത്തി ; എന്നിട്ടും മൊബൈലില്‍ ചാറ്റിങ് നിര്‍ത്താതെ യുവാവ് (വീഡിയോ വൈറല്‍)
ബെയ്ജിംഗ് : ഡ്രൈവിങ്ങിനിടയില്‍ കാര്‍ അപകടത്തില്‍ പെട്ടിട്ടും തന്റെ മൊബൈലില്‍ കളിച്ചിരിക്കുന്ന യുവാവിന്റെ വീഡിയോ വൈറല്‍ ആയി. നെഞ്ചിലൂടെ തുളച്ച് കയറിയ കമ്പി മുതുകിലൂടെ പുറത്തിറങ്ങിയിട്ടും യുവാവ് മൊബൈല വിട്ടൊരു പരിപാടിക്കും തയ്യാറായില്ല. രക്ഷാപ്രവര്‍ത്തകര്‍ കമ്പി മുറിച്ച് കളയുമ്പോളും നടന്നതൊന്നും അറിയാത്ത ഭാവത്തില്‍ തന്റെ മൊബൈലില്‍ വ്യാപൃതനായിരുന്നു യുവാവ്.
ചൈനയിലെ ലിയോങ് സിറ്റിയിലാണ് സംഭവം. കാര്‍ യാത്രികനായ യുവാവ് സഞ്ചരിച്ച കാര്‍ അപകടത്തില്‍പെട്ടതോടെയാണ് യുവാവിന്റെ ശരീരത്തില്‍ കമ്പി തുളച്ചു കയറിയത്. എന്നാല്‍ കാര്‍ അപകടത്തില്‍ പെട്ടതും ശരീരത്തിലൂടെ കമ്പി കയറിയതും യുവാവ് അറിഞ്ഞില്ല. തുടര്‍ന്ന് രക്ഷാപ്രവര്‍ത്തകരെത്തി കമ്പി മുറിച്ച് നീക്കി യുവാവിനെ കാറില്‍ നിന്ന് പുറത്തിറക്കാന്‍ ശ്രമിക്കുമ്പോഴും യുവാവ് മൊബൈലില്‍ വ്യാപൃതനായിരുന്നത് കണ്ട സമീപത്തുള്ളവര്‍ എടുത്ത വീഡിയോയാണ് സമൂഹമാധ്യമങ്ങളില്‍ വൈറലായത്.
ആംബുലന്‍സില്‍ കയറ്റുമ്പോളും കുലുക്കമില്ലാതെ മൊബൈല്‍ ഫോണും നോക്കിയിരിക്കുന്ന യുവാവിന്റെ വീഡിയോ ഇതിനോടകം കണ്ടത് 60 ലക്ഷത്തിലധികം ആളുകളാണ്. അതേസമയം യുവാവിന്റെ മൊബൈല്‍ ഭ്രമമാണ് അപകടത്തിന് കാരണമായതെന്നാണ് പ്രാഥമിക വിലയിരുത്തല്‍.
