ഇറ്റലിയിലെ വലതുപക്ഷ സര്‍ക്കാരിന്റെ ജനദ്രോഹ നടപടികള്‍ക്കെതിരെ അണിനിരക്കാന്‍ മലയാളികള്‍ക്ക് ആഹ്വാനം
റോം: ഇറ്റലിയിലെ ഭരണപക്ഷത്തിന്റെ ജനദ്രോഹ നടപടികള്‍ക്കെതിരെ അണിനിരക്കാന്‍ സെപ്റ്റംബര്‍ 30ന് (ഞായര്‍) റോമില്‍ പ്രതിക്ഷേധറാലി സംഘടിപ്പിക്കും. മുഖ്യപ്രതിപക്ഷമായ പി.ഡി പാര്‍ട്ടിയുടെ നേതൃത്വത്തില്‍ നടക്കുന്ന പ്രതിക്ഷേധറാലി റോമിലെ പിയാസ ഡെല്‍ പോപ്പലോയില്‍ ഉച്ചകഴിഞ്ഞു 2 മണിയ്ക്ക് ആരംഭിക്കും.
രാജ്യത്തെ വര്‍ഗ്ഗവര്‍ണ്ണ വിവേചനവും, ജനിക്കുന്ന കുട്ടികളുടെ പൗരത്വവും, കുടിയേറ്റക്കാര്‍ ജോലിചെയ്യുന്ന സ്ഥലത്തെ വിവേചനവുമൊക്കെ റാലിയില്‍ വിഷയമാകും. വിസ പുതുക്കുമ്പോള്‍ ഉണ്ടാകുന്ന പ്രശനങ്ങളും, മാതാപിതാക്കളെ കാണാന്‍ സ്വദേശത്തുള്ള കുട്ടികളുടെ യാത്ര, വിസ പുതുക്കല്‍, വിസയില്ലാതെ രാജ്യത്ത് കഴിയുന്നവരുടെ പ്രശ്‌നങ്ങള്‍ എന്നിവയൊക്കെ റാലിയുടെ സര്‍ക്കാരിനെ അറിയിക്കാനാണ് നീക്കം.
വിദേശികളായി ഇറ്റലിയില്‍ കഴിയുന്നവരുടെ ദുരിതങ്ങള്‍ സര്‍ക്കാരിനെ ബോധിപ്പിക്കാന്‍ നടത്തുന്ന ശ്രമങ്ങളില്‍ മലയാളികള്‍ പങ്കെടുത്തു ഐക്യദാര്‍ഢ്യം അറിയിക്കണമെന്ന് പി.ഡി പാര്‍ട്ടിയുടെ റോമിലെ പ്രസിഡന്റ് സിബി മാണി കുമാരമംഗലം അഭ്യര്‍ത്ഥിച്ചു.
സ്ഥലം: Piazza Del Popolo (Metro A Fermata Flaminio)
വിവരങ്ങള്‍ക്ക്: സിബി കുമാരമംഗലം (3297575371), വക്കച്ചന്‍ ജോര്‍ജ് കല്ലറയ്ക്കല്‍ (3206668346), കിരണ്‍ നെല്ലുവേലില്‍ (3271514429)
റിപ്പോര്‍ട്ട്: ജെജി മാത്യു മാന്നാര്‍
