സൗത്ത് കരോലിനയില്‍ പോലീസ് ഓഫീസര്‍മാര്‍ക്ക് നേരെ വെടിവെപ്പ് , ഒരാള്‍ മരിച്ചു
സൗത്ത് കരോലിനയില്‍ ഫ്‌ളോറന്‍സ് വിന്റേജ് പ്ലേയ്‌സ് സബ് ഡിവിഷനില്‍ അക്രമിയുടെ വെടിയേറ്റ പോലീസ് ഓഫീസര്‍ ആശുപത്രിയില്‍ വെച്ച് മരിച്ചു. ടെറന്‍സ് കരാവെ (52)എന്ന പോലീസ് ഓഫീസറാണ് മരിച്ചത്.
വീടിനകത്തു വെടിയൊച്ചകേള്‍ക്കുന്നു എന്ന് സമീപവാസികള്‍ അറിയിച്ചതിനെ തുടര്‍ന്ന് എത്തിയ പോലീസിനുനേരെ യാതൊരു പ്രകോപനമില്ലാതെ അക്രമി വെടിയുതിര്‍ക്കുകയായിരുന്നു. തുടര്‍ന്ന് കുട്ടികളെ ബന്ദികളാക്കി രണ്ടു മണിക്കൂര്‍ പോലീസുമായി വിലപേശല്‍ നടത്തിയതിനുശേഷമാണ് കീഴടങ്ങിയത്. കുട്ടികള്‍ക്ക് അപകടമൊന്നും സംഭവിച്ചിട്ടില്ല. പ്രതിയെ ആശുപത്രിയില്‍ പ്രവേശിപ്പിച്ചതായി പോലീസ് അറിയിച്ചു.
