മഴയുടെ ശക്തി കുറഞ്ഞു ; ഇടുക്കി അണക്കെട്ട് അടയ്ക്കും
സംസ്ഥാനത്ത് മഴയുടെ ശക്തി കുറയുന്നു. ഇതേ തുടര്‍ന്ന് ഇടുക്കി ചെറുതോണി അണക്കെട്ടിന്റെ ഷട്ടര്‍ മൂന്ന് മണിക്ക് അടയ്ക്കും. അതുപോലെ അഞ്ച് ജില്ലകള്‍ക്ക് നല്‍കിയിരുന്ന ഓറഞ്ച് അലര്‍ട്ടും പിന്‍വലിച്ചു. ഇനി യെല്ലോ അലേര്‍ട്ട് മാത്രം. തിരുവനന്തപുരം, കൊല്ലം, പത്തനംതിട്ട, ഇടുക്കി, വയനാട് ജില്ലകളിലാണ് യെല്ലോ അലേര്‍ട്ട്.
അറബിക്കടലില്‍ രൂപപ്പെട്ട ന്യൂനമര്‍ദം കേരളാതീരത്ത് നിന്ന് അകലുന്ന കൊണ്ടാണ് മഴ കുറഞ്ഞത്. ഇന്നലെയാണ് ചെറുതോണി അണക്കെട്ടിന്റെ ഒരു ഷട്ടര്‍ തുറന്നത്. സെക്കന്റില്‍ 50 ഘനമീറ്റര്‍ വെള്ളമാണ് ഒഴുക്കി വിട്ടത്. അറബിക്കടലില്‍ രൂപം കൊണ്ട ന്യൂനമര്‍ദ്ദം ഒമാന്‍ തീരത്തേക്ക് നീങ്ങിയ പശ്ചാത്തലത്തില്‍ ഇടുക്കി, മലപ്പുറം ജില്ലകളില്‍ പ്രഖ്യാപിച്ച റെഡ് അലര്‍ട്ട് ഇന്നലെ തന്നെ പിന്‍വലിച്ചിരുന്നു. എന്നാല്‍ അഞ്ച് ജില്ലകളില്‍ ഓറഞ്ച് അലേര്‍ട്ട് തുടര്‍ന്നിരുന്നു. ഇതാണ് ഇന്ന് പിന്‍വലിച്ചത്.
