കാലിഫോര്‍ണിയ വെടിവെപ്പില്‍ അക്രമിയും പോലീസ് ഓഫീസരുമുള്‍പ്പെടെ 13 പേര്‍ കൊല്ലപ്പെട്ടു: ഇരുപതോളം പേര്‍ക്ക് പരിക്ക്
പി.പി.ചെറിയാന്‍
കാലിഫോര്‍ണിയ ലോസ് ഏഞ്ചലസിനു നാല്‍പതു മൈല്‍ ബോര്‍ഡര്‍ലൈന്‍ബര്‍ ആന്‍ഡ് ഗ്രില്ലിലുണ്ടായ വെടിവെപ്പില്‍ അക്രമിയും പോലീസ് ഓഫീസരുമുള്‍പ്പെടെ 13 പേര്‍ കൊല്ലപ്പെട്ടു. ഇരുപതോളം പേര്‍ക്ക് പരിക്കേറ്റിട്ടുണ്ട്.
ബുധനാഴ്ച രാത്രി പതിനൊന്നു മണിയോടെ ഇരുനൂറിലധികം പേര്‍ വിദ്യാര്‍ഥികള്‍ക്കായി സംഘടിപ്പിച്ച യൂണിവേഴ്സിറ്റി സ്റ്റുഡന്റ് നൈറ്റ് പരിപാടിക്കിടെയാണ് വെടിവെപ്പുണ്ടായത്. ഹാന്‍ഡ് ഗണ്ണിനു പുറമെ സ്മോക്ക് ബോംബും അക്രമി ഉപയോഗിച്ചതായി പോലീസ് പറയുന്നു.
അടുത്തവര്‍ഷം റിട്ടയര്‍ ചെയേണ്ട ഇരുപത്തിഒന്പതു വര്‍ഷം സെര്‍വിസുള്ള ഡെപ്യൂട്ടി ഷെരിഫ് റോണ്‍ ഹില്‌സ് അന്ന് കൊല്ലപ്പെട്ടത്. കറുത്ത വസ്ത്രവും തലമൂടിയും ബാറിലേക്ക് പ്രവേശിച്ച അക്രമി യാതൊരു പ്രകോപനവും ഇല്ലാതെ നിറയൊഴിക്കുകയായിരുന്നുവെന്ന് പോലീസ് പറഞ്ഞു
അക്രമിയെ കുറിച്ചോ, മരിച്ചവരെ കുറിച്ചോ കൂടുതല്‍ വിവരങ്ങള്‍ പോലീസ് പുറത്തുവിട്ടിട്ടില്ല. പോലീസ് അന്വേഷണം ആരംഭിച്ചിട്ടുണ്ട്. സംഭവത്തെ ഭീകരമെന്നു വിശേഷിപ്പിച്ചു പ്രസിഡന്റ് ട്രമ്പ് ട്വിറ്ററില്‍ സന്ദേശം അയച്ചു.