വേള്‍ഡ് മലയാളി ഓര്‍ഗനൈസേഷന്‍ കമ്മറ്റി മീറ്റിങ്ങ് 23ന് മസ്‌ക്കറ്റില്‍
മസ്‌ക്കറ്റ്: ഒമാന്‍ വേള്‍ഡ് മലയാളി ഓര്‍ഗനൈസേഷന്‍ കമ്മറ്റി നവംബര്‍ 23 (വെള്ളി) 6 മണിക്ക് മസ്‌ക്കറ്റ് സഫീര്‍ പ്ലാസ [Near badr Al sama hospital, Al khuwair, Muscat, sultanait of Oman] ഹോട്ടലില്‍ വെച്ച് നടക്കും.
വിവിധ രാജ്യങ്ങളില്‍ നിന്നുമായി വരുന്ന ഭാരവാഹികള്‍ കമ്മറ്റിയില്‍ സംബന്ധിക്കും. ഭാരവാഹികളുടെ തെരഞ്ഞെടുപ്പിനൊപ്പം വേള്‍ഡ് മലയാളി ഓര്‍ഗനൈസേഷന്‍ രണ്ടു വര്‍ഷം കൂടുമ്പോള്‍ നടത്തുന്ന ‘മഹാത്മാഗാന്ധി ഗോള്‍ഡ് മെഡല്‍’ പുരസ്‌ക്കാരത്തിന് അര്‍ഹരായവരെ പ്രഖ്യാപിക്കുകയും ചെയ്യും. മഹാത്മജിയുടെ ചിത്രം ആലേഖനം ചെയ്ത ഗോള്‍ഡ് മെഡലും അന്‍പതിനായിരം രൂപയും പ്രശസ്തിപത്രവും അടങ്ങുന്നതാണ് അവാര്‍ഡ്.
ജീവകാരുണ്യ മേഖലയില്‍ മികച്ച സേവനങ്ങള്‍ നടത്തിയ വ്യക്തികളെയും സംഘടനകളെയുമാണ് അവാര്‍ഡിനായി പരിഗണിക്കുക. 2019 ജനുവരിയില്‍ അവാര്‍ഡ് വിതരണം ചെയ്യും. മലയാളികളെ ഏറ്റവും കൂടുതല്‍ ചിന്തിപ്പിക്കുന്നതും വിജ്ഞാനപ്രദവും വിനോദവും നല്‍കുന്ന ടെലിവിഷന്‍ പ്രോഗ്രാമുകള്‍ക്കും അവാര്‍ഡ് വിതരണത്തിനോടനുബന്ധിച്ച് പ്രത്യേക പുരസ്‌കാരങ്ങള്‍ നല്‍കുമെന്ന് വേള്‍ഡ് മലയാളി ഓര്‍ഗനൈസേഷന്‍ സെക്രട്ടറി സാബു മുരിക്കവേലി അറിയിച്ചു.
