പോത്തിനെ ഇടിക്കാതെ വെട്ടി തിരിച്ച ബസ് നദിയിലേക്ക് മറിഞ്ഞ് 12 മരണം
റോഡില്‍ അലഞ്ഞുതിരിഞ്ഞു നടന്ന പോത്ത് കാരണം പൊലിഞ്ഞത് 12 മനുഷ്യ ജീവന്‍. 49 പേര്‍ക്ക് ഗുരുതരമായി പരിക്കേറ്റു.ഒഡീഷയിലെ കട്ടക്കില്‍ നിന്ന് താല്‍ചറിലേക്ക് പോകുകയായിരുന്ന സ്വകാര്യബസാണ് അപകടത്തില്‍ പെട്ടത്. ഓടിക്കൊണ്ടിരുന്ന ബസ്സിന് മുന്നില്‍ വന്നുപെട്ട പോത്തിനെ ഇടിക്കാതിരിക്കാന്‍ ശ്രമിച്ചപ്പോള്‍ ബസ് നിയന്ത്രണം വിടുകയായിരുന്നു.
പോത്തിനെ രക്ഷിക്കാനുള്ള ഡ്രൈവറുടെ ശ്രമത്തിനിടെ പാലത്തിന്റെ കൈവരികള്‍ തകര്‍ത്ത് ബസ് നദിയിലേക്ക് മറിയുകയായിരുന്നു. റോഡുകളില്‍ ഇത്തരത്തില്‍ അലഞ്ഞു നടക്കുന്ന നാല്‍ക്കാലികള്‍ കാരണം അവിടങ്ങളില്‍ അപകടങ്ങള്‍ പതിവാണ്.
