കര്‍ണ്ണാടകയില്‍ ബസ് കനാലിലേക്ക് മറിഞ്ഞ് 25 പേര്‍ മരിച്ചു
കര്‍ണാടകയിലെ ബെംഗളൂരു- മൈസൂരു പാതയിലെ മാണ്ഡ്യയില്‍ ബസ് കനാലിലേക്ക് മറിഞ്ഞ് 25 പേര്‍ മരിച്ചു. ബസ് മുഴുവനായും കനാലില്‍ മുങ്ങിയ നിലയിലാണ്. ബസില്‍ മുപ്പതിലധികം യാത്രക്കാരുണ്ടായിരുന്ന ബസ്സില്‍ മരിച്ചവരില്‍ ഒരു സ്ത്രീയും കുട്ടിയും ഉള്‍പ്പെടുന്നു.
കനാലിലേക്ക് മറിഞ്ഞയുടന്‍ ബസ് മുഴുവനായി മുങ്ങിപ്പോയതും വാതിലുകള്‍ അടിഭാഗത്തായിപ്പോയതുമാണ് മരണസംഖ്യ ഉയര്‍ത്തിയത്. ശനിയാഴ്ച ഉച്ചയ്ക്കാണ് അപകടം നടന്നത്. സമീപത്തുണ്ടായിരുന്ന കര്‍ഷകരാണ് രക്ഷാപ്രവര്‍ത്തനം തുടങ്ങിയത്. ബസ് കരയിലെത്തിക്കാനുള്ള ശ്രമം തുടരുകയാണ്.
അശാസ്ത്രീയമായ രീതിയില്‍ ബസിന്റെ ജനാലകള്‍ നിര്‍മ്മിച്ചതും യാത്രക്കാര്‍ക്ക് പുറത്തിറങ്ങുവാന്‍ പറ്റാത്ത സ്ഥിതിയുണ്ടാക്കി.
