തീര്‍ത്ഥാടകരുടെ എണ്ണത്തില്‍ കുറവ് ; ശബരിമലയില്‍ വരുമാനത്തില്‍ വന്‍ ഇടിവ്
തീര്‍ത്ഥാടകരുടെ എണ്ണം കുറഞ്ഞതാണ് കാരണം ശബരിമലയില്‍ അപ്പം ഉത്പാദനം നിര്‍ത്തിവച്ചു. അരവണ ഉത്പാദനം അഞ്ചിലൊന്നായി കുറച്ചു. ദിവസം 48000 ടിന്‍ അരവണയാണ് ഉണ്ടാക്കിയിരുന്നത്. എന്നാല്‍ ഇപ്പോള്‍ ഉണ്ടാക്കുന്നത് 9600 ടിന്‍ മാത്രമാണ്. അപ്പം ഉത്പാദനം നിര്‍ത്തിവച്ചതോടെ അപ്പം വിഭാഗത്തിലെ ജീവനക്കാര്‍ക്ക് ജോലിയില്ലതായി.
ദേവസ്വം ബോര്‍ഡിന്റെ വരുമാനത്തില്‍ വന്‍ ഇടിവാണ് ഉണ്ടായിരിക്കുന്നത്. എന്നാല്‍ വില്‍പന കുറയുമ്പോള്‍ മുമ്പും ഉല്‍പ്പാദനം നിര്‍ത്തിയിട്ടുണ്ടെന്ന് ദേവസ്വം ബോര്‍ഡ് വ്യക്തമാക്കി.
അതേസമയം, ഭക്തന്മാര്‍ക്ക് ഒരു തടസ്സവുമില്ലാതെ ഭഗവാനെ തൊഴുത് പോകാനുള്ള അവസരമുണ്ടെന്ന് എസ്പി യതീഷ് ചന്ദ്ര പറയുന്നു.
ഇന്ന് 11 മണിവരെ 25000 ആളുകള്‍ ദര്‍ശനത്തിനായി എത്തിയിട്ടുണ്ട്. കെഎസ്ആര്‍ടിസികളിലെ കണക്കു വച്ചാണിത്. ഇന്ന് മാത്രം ശബരിമലയില്‍ കെഎസ്ആര്‍ടിസി 427 സര്‍വീസുകള്‍ നടത്തി.
എന്നാല്‍ വിവാദങ്ങള്‍ കാരണം അന്യസംസ്ഥാനങ്ങളില്‍ നിന്നുള്ള ഭക്തര്‍ ശബരിമലയില്‍ വരാന്‍ മടിക്കുന്നതാണ് വരുമാനം ഇടിയുവാന്‍ കാരണമായി പറയുന്നത്.
