ബൈക്കില്‍ കയറു കൊണ്ട് കെട്ടിയി നിലയില്‍ യുവാവിന്റെ മൃതദേഹം പാറക്കുളത്തില്‍
കോട്ടയം കറുകച്ചാലിന് സമീപമുള്ള പാറക്കുളത്തിൽ ആലപ്പുഴ സ്വദേശിയായ യുവാവിന്റെ മൃതദേഹം ദുരൂഹസാഹചര്യത്തില്‍ കണ്ടെത്തി. ആലപ്പുഴ കൈനടി വടക്കാട്ട് വീട്ടില്‍ മുകേഷിന്റെ(31) മൃതദേഹമാണ് ഇന്ന് രാവിലെ കറുകച്ചാല്‍ കാഞ്ഞിരപ്പാറയിലെ കുളത്തില്‍ നിന്ന് കണ്ടെത്തിയത്.
ബൈക്കില്‍ കയറുകൊണ്ട് ബന്ധിച്ച നിലയായിരുന്നു മൃതദേഹം കണ്ടെത്തിയത്. മുകേഷിനെ കാണാനില്ലെന്ന് കാട്ടി ബന്ധുക്കള്‍ കഴിഞ്ഞദിവസം കൈനടി പോലീസ് സ്‌റ്റേഷനില്‍ പരാതിനല്‍കിയിരുന്നു. ഇതിനിടെയാണ് കുളത്തില്‍ നിന്നും ഇയാളുടെ മൃതദേഹം ലഭിക്കുന്നത്.
സംഭവത്തില്‍ ദുരൂഹതയുണ്ടെന്നും ആത്മഹത്യയാണോ കൊലപാതകമാണോ എന്നകാര്യം ഇപ്പോള്‍ സ്ഥിരീകരിക്കാനാകില്ലെന്നും പോലീസ് അറിയിച്ചു. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയശേഷം മൃതദേഹം കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി.
