റിലീസിന് പിന്നാലെ പേട്ടയും വിശ്വാസവും ഇന്റര്‍നെറ്റില്‍ ; പ്രചരിക്കുന്നത് എച്ച് ഡി പ്രിന്റ്
പൊങ്കല്‍ ആഘോഷങ്ങള്‍ക്ക് മാറ്റ് കൂട്ടാന്‍ റിലീസ് ആയ സൂപ്പര്‍ താര ചിത്രങ്ങള്‍ റിലീസിന് പിന്നാലെ ഇന്റര്‍നെറ്റില്‍. സൂപ്പര്‍സ്റ്റാര്‍ രജനീകാന്തിന്റെ പുതിയ ചിത്രമായ പേട്ടയും തല എന്ന പേരില്‍ അറിയപ്പെടുന്ന അജിത് കുമാറിന്റെ വിശ്വാസവുമാണ് ഇന്റര്‍നെറ്റില്‍ പ്രചരിക്കുന്നത് .
ചിത്രം റിലീസ് ചെയ്ത് മണിക്കൂറുകള്‍ക്കുള്ളിലാണ് തമിഴ് റോക്കേഴ്സ് എന്ന വെബ്സൈറ്റില്‍ ഇവ രണ്ടും പ്രത്യക്ഷപ്പെട്ടത്. ചിത്രത്തിന്റെ എ്ച്ച് ഡി പ്രിന്റ് ആണ് പ്രചരിക്കുന്നത്. ഇന്ന് ഉച്ചയ്ക്ക് രണ്ടു മണിയോടുകൂടിയാണ് ചിത്രങ്ങള്‍ വെബ് സൈറ്റില്‍ പ്രത്യക്ഷപ്പെട്ടത്.
കാര്‍ത്തിക് സുബ്ബരാജാണ് പേട്ടയുടെ സംവിധായകന്‍.ശിവയാണ് വിശ്വാസം ഒരുക്കിയത്. പുതിയ ചിത്രങ്ങള്‍ക്ക് ഭീഷണിയായി മാറിയ തമിള്‍ റോക്കേര്‍സിനെ ഒതുക്കാന്‍ സിനിമാ മേഖലയും പോലീസും പല തവണയായി ശ്രമിക്കുന്നു എങ്കിലും ഇതുവരെ സാധിച്ചിട്ടില്ല.
