അക്ഷയ് കുമാറും ഷാരൂഖ് ഖാനും ഒരുമിച്ച് അഭിനയിക്കാത്തതിനുള്ള കാരണം വെളിപ്പെടുത്തി ഷാരൂഖ്
ഇന്ത്യന്‍ സിനിമയിലെ കിംഗ് ഖാന്‍ ആണ് ഷാരൂഖ് ഖാന്‍. അതുപോലെ ഇന്ത്യന്‍ സിനിമയിലെ ആക്ഷന്‍ ഹീറോകളില്‍ മുന്നിലാണ് അക്ഷയ് കുമാര്‍. സൂപ്പര്‍ താരങ്ങളായ ഇരുവരും സിനിമയിലെത്തിയിട്ട് 25 വര്‍ഷങ്ങളായി. 90 കളിലായിരുന്നു ഇരുവരുടേയും സിനിമയിലേക്കുള്ള രംഗപ്രവേശനം. യാതൊരുവിധ സിനിമാ പാരമ്പര്യവും ഇല്ലാത്ത കുടുംബത്തില്‍ നിന്നുള്ളവരായിരുന്നു ഇരുവരും.
എന്നാല്‍ രണ്ട് താരങ്ങളും ഇതുവരെ ഒരു ചിത്രത്തില്‍ പോലും ഒരുമിച്ച് അഭിനയിച്ചിട്ടില്ല. അതിനുള്ള കാരണം നര്‍മ്മ രൂപത്തില്‍ വെളിപ്പെടുത്തിയിരിക്കുകയാണ് ഷാരൂഖ് ഖാന്‍.അക്ഷയ് കുമാറിനോടൊപ്പം താന്‍ അഭിനയിക്കുക എന്നത് തമാശയാകും. അക്ഷയ് സെറ്റില്‍ നിന്നും പോകുമ്പോള്‍ താന്‍ അവിടെ എത്തിയിട്ടേ ഉണ്ടാകൂ. അക്ഷയ്ക്കൊപ്പം അഭിനയിക്കാന്‍ താന്‍ താല്‍പര്യപ്പെടുന്നുണ്ട്, പക്ഷേ തങ്ങളുടെ സമയം ഒത്തുപോകില്ലെന്നും ഷാരൂഖ് കൂട്ടിച്ചേര്‍ത്തു.
അക്ഷയ് കുമാറിനെപ്പോലെ രാവിലെ എഴുന്നേറ്റ് ജോലി ചെയ്യാന്‍ തനിക്കാവില്ലെന്നാണ് ഇതിനുള്ള മറുപടിയായി ഷാരൂഖ് ഖാന്‍ പറഞ്ഞത്. അക്ഷയ്യുടെ ഒരു ദിവസം അതിരാവിലെ ആരംഭിക്കുമെന്ന് ഷാരൂഖ് പറയുന്നു. അക്ഷയ് എഴുന്നേല്‍ക്കുമ്പോള്‍ ഞാന്‍ ഉറങ്ങുകയായിരിക്കും. തന്റെ ജോലി ആരംഭിക്കുമ്പോള്‍ അക്ഷയ് കുമാര്‍ പാക്കപ്പ് പറഞ്ഞ് വീട്ടില്‍ പോയിട്ടുണ്ടാകുമെന്നും ഷാരൂഖ് പറഞ്ഞു. രാത്രി സമയങ്ങല്‍ പണിയെടുക്കാന്‍ താല്‍പര്യപ്പെടുന്ന ആളാണ് താന്‍. ഒരുമാതിരിപ്പെട്ട ആളുകളെന്നും രാത്രി ജോലി ചെയ്യാന്‍ താല്‍പര്യപ്പെടാത്തവരാണെന്നും ഷാരൂഖ് കൂട്ടിച്ചേര്‍ത്തു.
ഇങ്ങനെയാണ് എങ്കിലും ഷാരൂഖ് ഖാന്റെ ദില്‍ തോ പാഗല്‍ ഹേ, ഓം ശാന്തി ഓം എന്ന ചിത്രങ്ങളില്‍ അക്ഷയ് കുമാര്‍ അഥിതി താരമായി എത്തിയിരുന്നു.
